ბათუმის შოთა რუსთაველის სახელმწიფო უნივერსიტეტი 2022-2023 სასწავლო წლისათვის აცხადებს მიღებას შემდეგ სადოქტორო საგანმანათლებლო პროგრამებზე (დანართი 1). დოქტორანტობის კანდიდატთა რეგისტრაცია იწარმოებს 2022 წლის 22-23 აგვისტოს, ყოველდღე, 10:00 საათიდან 17:00 საათამდე (ბსუ-ს I კორპუსი, ოთახი N20, ბათუმი, ნინოშვილის/რუსთაველის N35/32).
კანდიდატებმა რეგისტრაციისათვის უნდა წარმოადგინონ შემდეგი დოკუმენტაცია:
- დოქტორანტობის კანდიდატის განაცხადის ფორმა/სააპლიკაციო ფორმა (დანართი 2).
- პირადობის მოწმობის (პასპორტის) ასლი;
- 2 ფოტოსურათი ზომით 3X4–ზე და ელექტრონული ვერსია CD დისკზე;
- მაგისტრის (ან მასთან გათანაბრებული) აკადემიური ხარისხის დამადასტურებელი დიპლომის ნოტარიულად დამოწმებული ასლი (2022 წელს კურსდამთავრებულთათვის - ცნობა აკადემიური ხარისხის მინიჭების თაობაზე, ბსუ-ს კურსდამთავრებულთათვის - ბსუ-ს მიერ დამოწმებული დიპლომის ასლი; უცხო ქვეყანაში მიღებული განათლების აღიარების დამადასტურებელი დოკუმენტის ნოტარიულად დამოწმებული ასლი (ასეთის არსებობის შემთხვევაში));
- ერთსაფეხურიანი, ხუთწლიანი უმაღლესი განათლების დამადასტურებელი დოკუმენტის მაგისტრის აკადემიურ ხარისხთან გათანაბრების დამადასტურებელი საბუთი (სსიპ - განათლების ხარისხის განვითარების ეროვნული ცენტრის მიერ გაცემული; შენიშვნა: დასაშვებია დოქტორანტობის კანდიდატის დოკუმენტაციის მიღება იმ შემთხვევაში, თუკი კანდიდატს ცნობის მიღების მიზნით მიმართული აქვს სსიპ - განათლების ხარისხის განვითარების ეროვნული ცენტრისათვის ან ბსუ-ს კურსდამთავრებულია. ასეთ შემთხვევებში ბსუ-ს დოქტორანტობის კანდიდატი ვალდებულია წარმოადგინოს სსიპ - განათლების ხარისხის განვითარების ეროვნული ცენტრის მიერ გაცემული ცნობა ბსუ-ში ჩარიცხვის აქტის გამოცემამდე).“;
- წვევამდელის სამხედრო-სააღრიცხვო მოწმობის ასლი (ან სამხედრო ბილეთი, ასეთის არსებობის შემთხვევაში);
- სადოქტორო კვლევითი პროექტის მოკლე ანოტაცია და სამეცნიერო ხელმძღვანელის (სავარაუდო) თანხმობა (შევსებული დანართი №3-ის შესაბამისად);
- სხვა დოკუმენტი, თუ ასეთს ითვალისწინებს შესაბამისი სადოქტორო პროგრამა.
მისაღები გამოცდა ინგლისურ ენაში (წერითი ფორმით) - (კონკურსანტს მოეთხოვება არანაკლებ B2 დონის ცოდნა) - 2022 წლის 29 აგვისტო (დაწყების დრო: 1000 საათი, აუდიტორია 131);
გამოცდის შედეგების გამოცხადება - 2022 წლის 30 აგვისტო;
საპრეტენზიო განცხადებების მიღება - 2022 წლის 31 აგვისტო, 10:00 საათიდან 16:00 საათამდე, ბსუ-ს საქმისწარმოების სამსახურის (კანცელარია) მეშვეობით;
საპრეტენზიო განცხადებებზე პასუხის მომზადება - 2022 წლის 1 სექტემბერს (ეცნობება კონკურსანტს, მის მიერ სარეგისტრაციო განცხადებაში მითითებულ ელექტრონულ მისამართზე).
მისაღები გამოცდა სპეციალობაში (ზეპირი) - 2022 წლის 5 სექტემბერი (გამოცდის დაწყების დრო - 1000 საათი,)
გამოცდის შედეგების გამოცხადება - 2022 წლის 5 სექტემბერი;
საპრეტენზიო განცხადებების მიღება - 2022 წლის 6 სექტემბერი, 10:00 საათიდან 16:00 საათამდე, ბსუ-ს საქმისწარმოების სამსახურის (კანცელარია) მეშვეობით;
საპრეტენზიო განცხადებებზე პასუხის მომზადება - 2022 წლის 7 სექტემბერს (ეცნობება კონკურსანტს, მის მიერ სარეგისტრაციო განცხადებაში მითითებულ ელექტრონულ მისამართზე).
სადოქტორო პროგრამაზე ჩარიცხვის უფლებამოპოვებულ პირებთან ხელშეკრულებების გაფორმება - 2022 წლის 14-15 სექტემბერს, 10:00 საათიდან 17:00 საათამდე, ამ პირთა მიერ წარმოდგენილი, დოკუმენტაციისა და პირველი სემესტრის სწავლის საფასურის (არანაკლებ 1000 ლარის) გადახდის ქვითრის წარმოდგენის საფუძველზე.“; (ბსუ -ს I კორპუსი, ოთახი N20, ბათუმი, ნინოშვილის/რუსთაველის N35/32). (სწავლის საფასურის გადახდა შესაძლებელია შემდეგ რეკვიზიტებზე: მიმღების ბანკი - სახელმწიფო ხაზინა; მიმღების დასახელება - ხაზინის ერთიანი ანგარიში; ბანკის კოდი - TRESGE 22; მიმღების ანგარიში/სახაზინო კოდი - 7 0901 7289; დანიშნულებაში უნდა მიეთითოს: მაგისტრანტობის კანდიდატის სახელი გვარი, პირადი ნომერი, პროგრამა).
დანართი1 დანართი2 დანართი3
დანართი 4 დანართი 5| უკან |
