- საჯარო სამართლის იურიდიული პირი - ბათუმის შოთა რუსთაველის სახელმწიფო უნივერსიტეტი (შემდეგში - ბსუ) აცხადებს ღია კონკურსს ბსუ-ს აგრარული და მემბრანული ტექნოლოგიების ინსტიტუტში სტაჟირების გავლის მიზნით კანდიდატთა (სტაჟიორთა) შესარჩევად.
-
კონკურსში მონაწილეობის მიღება შეუძლია ბსუ-ს საბუნებისმეტყველო მეცნიერებათა და ჯანდაცვის ფაკულტეტის ,,ქიმიის“ და „ეკოლოგიის“, ზუსტ მეცნიერებათა და განათლების ფაკულტეტის „ფიზიკის“, ტექნოლოგიური ფაკულტეტის ,,აგრარული ტექნოლოგიების'' საბაკალავრო საგანმანათლებლო პროგრამის მე-3 ან/და მე-4 სასწავლო წლის სტუდენტებსა და ამავე სპეციალობის სამაგისტრო საგანმანათლებლო პროგრამის სტუდენტებს.
- კონკურსანტმა 2023 წლის 7 დეკემბრიდან 2023 წლის 18 დეკემბრის ჩათვლით ბსუ-ს საქმისწარმოების სამსახურის (კანცელარია) ან ბსუ-ს ელექტრონული ფოსტის (chancellery@bsu.edu.ge ) მეშვეობით უნდა წარმოადგინოს:
ა) წერილობითი განაცხადი სტაჟირებაზე (სტაჟირების გავლის წესის დანართით გათვალისწინებული ფორმის შესაბამისად შევსებული, მათ შორის სამოტივაციო ნაწილიც);
ბ) პირადობის დამადასტურებელი მოწმობის ასლი;
გ) CV;
დ) ცნობა სტუდენტის სტატუსის შესახებ (აქტიური სტუდენტის სტატუსის შემთხვევაში) და სასწავლო პროცესის ელექტრონული მართვის სისტემიდან ამოღებული სასწავლო ბარათი, ხოლო კურსდამთავრებულმა - დიპლომისა და სტანდარტული დანართის ასლი;
ე) ცნობა სოციალურად დაუცველობის შესახებ (არსებობის შემთხვევაში).
- კონკურსის წესით შეირჩეს 3 სტაჟიორი, შერჩეულმა კანდიდატები ორი თვის განმავლობაში გაივლიან არაანაზღაურებად სტაჟირებას ბსუ-ს აგრარული და მემბრანული ტექნოლოგიების ინსტიტუტში.
- სტაჟიორებმა უნდა შეასრულონ ბსუ-ს აგრარული და მემბრანული ტექნოლოგიების ინსტიტუტის დამოუკიდებელი სამეცნიერო-კვლევითი ერთეულის ,,აგრარული და მემბრანული ტექნოლოგიების ინსტიტუტის“ დებულებით გათვალისწინებული ფუნქციები, სტაჟიორის ხელმძღვანელის მიერ დავალების ფარგლებში.
- სტაჟირების წარმატებით გავლის შემთხვევაში სტაჟიორზე გაიცეს სერტიფიკატი.
- სტაჟიორთა ხელმძღვანელის მიერ წარმოდგენილი სამსახურებრივი ბარათის საფუძველზე განისაზღვრება სტაჟიორები, რომლებიც შესაძლებელია დასაქმდეს არაუმეტეს 6 თვის ვადით (ანაზღაურებადი სტაჟირება). ყოველთვიური ანაზღაურება განისაზღვროს შესაბამის სამუშაო ცვლებში სამუშაო დატვირთვის გათვალისწინებით (არაუმეტეს 500 ლარის ოდენობით).
იხილეთ თანდართული სამართლებრივი აქტები:
ა) ბსუ-ში სტაჟირების გავლის წესის დამტკიცების თაობაზე“ ბსუ-ს წარმომადგენლობითი საბჭოს 2013 წლის 29 მარტის N2 გადაწყვეტილება - https://bsu.edu.ge/upload/bsu_stajirebis_gavlis_wesi_2022.pdf
ბ) საჯარო სამართლის იურიდიული პირის - ბათუმის შოთა რუსთაველის სახელმწიფო უნივერსიტეტის დამოუკიდებელი სამეცნიერო-კვლევითი ერთეულის ,,აგრარული და მემბრანული ტექნოლოგიების ინსტიტუტის“ დებულების დამტკიცების თაობაზე ბსუ-ს წარმომადგენლობითი საბჭოს 2016 წლის 12 სექტემბრის N07 გადაწყვეტილება
გ) ,,ბსუ-ს აგრარული და მემბრანული ტექნოლოგიების ინსტიტუტში სტაჟიორთა შესარჩევი კონკურსის გამოცხადების შესახებ’’ ბსუ-ს ადმინისტრაციის ხელმძღვანელის 2023 წლის 06 დეკემბრის № 01-10/137 ბრძანება
| უკან |
