ბათუმის შოთა რუსთაველის სახელმწიფო უნივერსიტეტი აცხადებს სოციალური პროგრამის „სტუდენტთა შეღავათები სწავლის საფასურში - 2023-2024 სასწავლო წლის გაზაფხულის სემესტრში“ მონაწილეთა შესარჩევ კონკურსს. პროგრამის ფარგლებში სტუდენტს შეუძლია მოიპოვოს 100% , 70% , 35%-იანი დაფინანსება. კონკურსში მონაწილეობა შეუძლია ერთიანი ეროვნული გამოცდების საფუძველზე ჩარიცხულ საქართველოს მოქალაქეობის მქონე ბსუ-ს საბაკალავრო, მედიცინის მიმართულებით ერთსაფეხურიანი, დაწყებითი განათლების მასწავლებლის მომზადების ინტეგრირებული საბაკალავრო - სამაგისტრო საგანმანათლებლო პროგრამის აქტიური სტატუსის მქონე სტუდენტებს,სწავლების მე-2 სემესტრიდან.
განაცხადების მიღება იწარმოებს 12აპრილიდან 23 აპრილის ჩათვლით;
პროგრამის ფარგლებში შეღავათი შეიძლება მოიპოვოს (სოციალური კატეგორიის მქონე პირები):
- სტუდენტი, რომელიც არის საქართველოს ტერიტორიული მთლიანობის, თავისუფლებისა და დამოუკიდებლობისათვის საბრძოლო მოქმედების და სხვა სახელმწიფოთა ტერიტორიაზე საბრძოლო მოქმედების ვეტერანი ან მათი შვილი ან/და არის საქართველოს ტერიტორიული მთლიანობისათვის, თავისუფლებისა და დამოუკიდებლობისათვის დაღუპულთა, უგზო-უკვლოდ დაკარგულთა და მიღებული ჭრილობების შედეგად გარდაცვლილის შვილი;
- სტუდენტი, რომელიც არის მარტოხელა მშობელი ან თავად არის ან იყო მარტოხელა მშობლის შვილი.
- სტუდენტი, რომელიც რეგისტრირებულია სოციალურად დაუცველი ოჯახების მონაცემთა ერთიან ბაზაში და მისი ოჯახის სარეიტინგო ქულა ტოლია ან ნაკლებია 100 000-ზე;
- სტუდენტი, რომელიც იმყოფება ან ბოლო 3 წლის განმავლობაში იმყოფებოდა სახელმწიფო ზრუნვის ქვეშ (სააღმზრდელო საქმიანობის განმახორციელებელთან, მიუხედავად მათი ორგანიზაციულ-სამართლებრივი ფორმისა და დაფინანსების წყაროსი)/მინდობით აღზრდაში
- სტუდენტი, რომელიც არიან მრავალშვილიანი ოჯახის (ოთხი და მეტი შვილით) წევრი;
- სტუდენტი, რომელსაც მინიჭებული აქვს იძულებით გადაადგილებული პირის - დევნილის სტატუსი;
- სტუდენტი, რომელსაც მინიჭებული აქვს ეკომიგრანტის (სტიქიით დაზარალებული) სტატუსი;
- სტუდენტი, რომლის და/ძმა/მეუღლე ასევე არის ბსუ-ს სტუდენტი.
- სტუდენტი, რომელიც არის დედით ან მამით ობოლი.
პროგრამაში მონაწილეობის მისაღებად სტუდენტებმა დადგენილ ვადებში ელექტრონულად, ბსუ-ს პორტალზე - Portal.bsu.edu.ge-ზე (ველის - ,,წერილი კანცელარიას“ მეშვეობით) უნდა წარადგინონ:
- განცხადება(შევსებული წინამდებარე ბრძანებაზეთანდართული ფორმით - დანართი 1);
- საქართველოს მოქალაქის პირადობის მოწმობის (პასპორტის) და დაბადების მოწმობის ასლი (დედანი წარედგინება საკონკურსო კომისიის მოთხოვნის შემთხვევაში);
- ფაკულტეტის მიერ გაცემული ცნობა სტუდენტის აკადემიური მოსწრების შესახებ (ცნობა გაიცემა მხოლოდ სტუდენტის აქტიურ სტატუსში მყოფ პირებზე)
- სოციალური კატეგორიის დამადასტურებელი დოკუმენტაცია (გაცემული საკონკურსო დოკუმენტაციის წარმოდგენის ვადის ამოწურვამდე 1 თვის ვადაში).
დანართი 1| უკან |
