![გადიდება სურათი](https://bsu.edu.ge/text_images/ge_pic_6140_1_s.jpg)
ბათუმის შოთა რუსთაველის სახელმწიფო უნივერსიტეტის თანამშრომლობის კლუბის, სკოლა-უნივერსიტეტი“ ფარგლებში IV სამეცნიერო კონფერენცია გაიმართა თემაზე: ,,სწავლებისა და აღზრდის აქტუალური პრობლემები“. სესიაში სტუდენტებთან ერთად, აჭარის საჯარო და კერძო სკოლების 400-მდე მოსწავლე მონაწილეობდა.
მომხსენებლებმა თემები პედაგოგიკის, განათლების, საბუნებისმეტყველო მეცნიერებების მიმართულებით წარმოადგინეს და ისეთი აქტუალური საკითხები განიხილეს, როგორიცაა: თანამედროვე ტექნოლოგიების როლი სწავლა-სწავლების პროცესში, დისტანციური სწავლება, მოზარდთა გენეტიკური დაავადებები, ატმოსფეროს გლობალური გაჭუჭყიანება და ა.შ. კონფერენციის დასასრულს მონაწილეებს სერტიფიკატები გადაეცათ.
უნივერსიტეტისა და სკოლის თანამშრომლობის კლუბი 4 წლის წინ ჩამოყალიბდა და მისი მიზანია ზოგადსაგანმანათლებლო დაწესებულებებისა და უმაღლესი სასწავლებლის დაახლოება, სამეცნიერო მუშაობის სწავლება, საგანმანათლებლო პროექტების მომზადება და ნიჭიერი ახალგაზრდების გამოვლენა.
უკან |