მენეჯმენტის საგანმანათლებლო პროგრამის III სასწავლო წლის სტუდენტი აჩიკო დიასამიძე, რომელიც სამხედრო სავალდებულო სამსახურს იხდიდა 2012 წლის 5 დეკემბრიდან 2013 წლის 28 დეკემბრამდე საქართველოს სახელმწიფო დაცვის სპეციალურ სამსახურში, დაკისრებული მოვალეობის წარმატებით გავლისა და სანიმუშო ყოფაქცევისთვის დაჯილდოვებული იქნა სპეციალური სიგელით: „სახელმწიფო დაცვის სპეციალური სამსახურის საკონტრაქტო ჩასარიცხ კანდიდატთა სპეციალური თეორიულ–პრაქტიკული სწავლების წარმატებით დამთავრებისა და სანიმუშო დისციპლინისათვის.“ ფაკულტეტი ულოცავს აჩიკო დიასამიძეს ამ სასიამოვნო მოვლენას და უსურვებს შემდგომ წარმატებებს.