2026 წლის 18 – 22 მაისს ბათუმის შოთა რუსთაველის სახელმწიფო უნივერსიტეტის საერთაშორისო ოფისის მთავარი სპეციალისტი, ლელა თავართქილაძე და ბიოლოგიის დეპარტამენტის ასოცირებული პროფესორი გუგული დუმბაძე ,, ერაზმუს+-ის" გაცვლითი პროგრამის ფარგლებში ბიდგოშჩის უნივერსიტეტში (პოლონეთი) იმყოფებოდნენ.
საერთაშორისო კვირეულის ფარგლებში: „ურბანული გარემო ყველასათვის: უსაფრთხო, ხელმისაწვდომი და ინკლუზიური სივრცეები ინტერდისციპლინური პერსპექტივიდან“, ლელა თავართქილაძემ კვირეულში ჩართული პერსონალისა და სტუდენტებისთვის წარადგინა უნივერსიტეტის პრეზენტაცია და ჩაატარა თემატური შეხვედრები. აღნიშნული კვირეულის ფარგლებში გუგული დუმბაძემ, ჩაატარა ლექცია თემაზე: „ურბანული კლიმატური გამოწვევები და ინკლუზიური, კლიმატისადმი მდგრადი ქალაქები: ბათუმის მაგალითი“.
პროგრამა მოიცავდა საერთაშორისო თანამშრომლობის გაღრმავებას, გამოცდილების გაზიარებას, ინოვაციური საგანმანათლებლო მიდგომების განხილვასა და სამომავლო ერთობლივი სამეცნიერო პროექტების დაგეგმვას.
