14-16 სექტემბერს, ჰუმანიტარულ მეცნიერებათა ფაკულტეტის ქართული ფილოლოგიის, სლავისტიკის, ფილოსოფიის, ევროპეისტიკის, აღმოსავლეთმცოდნეობისა და ისტორიის, არქეოლოგიისა და ეთნოლოგიის დეპარტამენტების აკადემიური პერსონალის და ბსუ-ს ხარისხის უზრუნველყოფის სამსახურის უფროსის ანზორ ბერიძის სამუშაო შეხვედრები გაიმართა.
აკაკი წერეთლის სახელმწიფო უნივერსიტეტისა და ბათუმის შოთა რუსთაველის სახელმწიფო უნივერსიტეტის ინიციატივით საგანმანათლებლო სივრცეში მიმდინარე რეფორმების საკითხებზე საქართველოს რეგიონული უნივერსიტეტების, საქართველოს განათლებისა და მეცნიერების სამინისტროსა და განათლების ხარისხის განვითარების ეროვნული ცენტრის სამუშაო შეხვედრა მიმდინარეობს. რეგიონული უმაღლესი საგანმანათლებლო დაწესებულებები გამოთქვამენ ინტერესს მოდულური პროფესიული პროგრამების ადმინისტრირების საკითხებზე. აღნიშნული პროგრამების განხორციელების დროს გამოყენებული საუკეთესო პრაქტიკის წარმოდგენა, მათი განხილვა და გამოცდილების გაზიარება გააუმჯობესებს უმაღლეს საგანმანათლებლო დაწესებულებებში მოდულური პროფესიული პროგრამების ადმინისტრირების ხარისხს.
ბათუმის შოთა რუსთაველის სახელმწიფო უნივერსიტეტში ჩრდილოეთ ტეხასის უნივერსიტეტის პედაგოგიკის დოქტორის რ. ჯეფერსონ ჯორჯის ტრენინგი გაიმართა. შეხვედრა პედაგოგიკის საკითხებსა და სწავლების ფილოსოფიას შეეხებოდა და მასში ბსუ-ს 9 ფაკულტეტის 30-მდე წარმომადგენელი ღებულობდა მონაწილეობას.
ბათუმის შოთა რუსთაველის სახელმწიფო უნივერსიტეტი 2016 წლის საშემოდგომო მიღებისთვის ახალი პროფესიული მოდულური პროგრამების განხორციელებას გეგმავს. ამ მიზნით უნივერსიტეტში 12 მაისიდან 14 მაისის ჩათვლით პროფესიულ კვალიფიკაციათა განვითარების ხელშეწყობის პროგრამის ფარგლებში შეხვედრა გაიმართა მოდულური პროფესიული საგანმანათლებლო პროგრამების ხელმძღვანელებთან. კონსულტაციები პროგრამების დანერგვის კონსულტირებისა და ხელშეწყობის სპეციალისტებმა ქალბატონმა დალი კალაძემ და ირმა გრძელიძემ განახორციელეს.
წარმატებით გაიარა ავტორიზაცია ბათუმის შოთა რუსთაველის სახელმწიფო უნივერსიტეტის ორმა ახალმა პროფესიულმა საგანმანათლებლო პროგრამამ: პროგრამული უზრუნველყოფის დეველოპერი(V საფეხური) და ბეჭდური და ონლაინ გამოცემების რეპორტიორი (IV საფეხური).
