ბათუმის შოთა რუსთაველის სახელმწიფო უნივერსიტეტის რექტორის 2015 წლის 11 ნოემბრის #01-08/54 ბრძანების შესაბამისად, საბაკალავრო საგანმანათლებლო პროგრამების აკრედიტაციის სტანდარტებთან შესაბამისობის განსაზღვრისა და ხელახალი აკრედიტაციისათვის მომზადების მიზნით, მიმდინარეობს განხილვები ფაკულტეტების მიხედვით
მიმდინარე წლის 6 ოქტომბრიდან 23 ოქტომბრის ჩათვლით უნივერსიტეტის და ფაკულტეტების ხარისხის უზრუნველყოფის სამსახური ხელმძღვანელები პირველ კურსელებს შეხვდნენ. შეხვედრები ფაკულტეტების მიხედვით გაიმართა და მისი ძირითადი მიზანი იყო პირველკურსელთათვის უნივერსიტეტში მოქმედი რეგულაციების, სტრუქტურის, გაცვლითი, კვლევითი, კულტურული და სოციალური პროგრამების, სტიპენდიების, საგანმანათლებლო პროგრამების, შეფასების სისტემისა და სასწავლო პროცესთან დაკავშირებული სხვა საკითხების გაცნობა. შეხვედრებს ესწრებოდა უნივერსიტეტის რექტორი, პროფესორი ალიოშა ბაკურიძე და შესაბამისი ფაკულტეტების დეკანები.
ხარისხის უზრუნველყოფის სამსახურის ხელმძღვანელი, ასოცირებული პროფესორი მერაბ ხალვაში აჭარის უმაღლესი საბჭოს დეპუტატებთან გიორგი მასალკინთან, დავით ბაციკაძესთან და ირაკლი ჯაშთან ერთად, ჩეხეთის რესპუბლიკაში იმყოფებოდა. ერთკვირიანი ვიზიტი მიზნად ისახავდა ბათუმის შოთა რუსთაველის სახელმწიფო უნივერსიტეტში აგრარული და სიცოცხლის შემსწავლელ მეცნიერებათა განვითარების ხელშეწყობას. პრაღის სიცოცხლის შემსწავლელ მეცნიერებათა უნივერსიტეტის (CULS) აგრობიოლოგიის, კვების პროდუქტებისა და ბუნებრივი რესურსების, სატყეო საქმეთა და ხე-ტყის რესურსების მართვის ფაკულტეტებისა და საერთაშორისო ურთიერთობების ოფისის ხელმძღვანელთან პროფესორ იარომირ ნემეცთან გამართულ შეხვედრებზე დაიგეგმა სამომავლო თანამშრომლობის მიმართულებები. მხარეებმა შეიმუშავეს თანამშრომლობის მემორანდუმის პროექტი, რომელიც ითვალისწინებს სტუდენტებისა და პროფესორ-მასწავლებლების გაცვლას, ერთობლივ სამეცნიერო მუშაობას, სემინარებისა და კონფერენციების მოწყობას. შეთანხმების თანახმად, მომავალი სასწავლო წლიდან, ქართველი სტუდენტები და მაგისტრები 6 თვით ან ერთი წლით აღნიშნულ უმაღლეს სასწავლებელში უფასოდ ისწავლიან.
ბათუმის შოთა რუსთაველის სახელმწიფო უნივერსიტეტის ხარისხის უზრუნველყოფის სამსახურმა ბსუ–ს აკადემიურ და წარმომადგენლობით საბჭოებს 2013–2014 სასწავლო წლის პირველი სემესტრის სტუდენტთა ელექტრონული ფორმით ჩატარებული გამოკითხვის შედეგები წარუდგინა. გამოკითხვაში მონაწილეობა მიიღო სტუდენტთა საერთო რაოდენობის თითქმის 50 %. კითხვარში დასმული კითხვები ძირითადად უნივერსიტეტის აკადემიურ და მატერიალურ სფეროს ეხებოდა.
