ბათუმის შოთა რუსთაველის სახელმწიფო უნივერსიტეტის სამეცნიერო კვლევების სამსახურისა და ბიბლიოთეკის თანამშრომლებმა ფაკულტეტების პროფესორ-მასწავლებლებისა და სამეცნიერო ინსტიტუტების მკვლევრებისათვის პრეზენტაციები ჩაატარეს JSTOR-ის სამეცნიერო ბაზაში. ბსუ JSTOR-ის სამეცნიერო ბაზაში გაწევრიანდა, რომელიც მუშაობს გამომცემლებთან და ბიბლიოთეკებთან სამეცნიერო ჟურნალების, წიგნებისა და ფოტო-მასალის დიგიტალიზაციაზე. JSTOR-ი, ციფრული ბიბლიოთეკა უზრუნველყოფს წვდომას 12 მილიონ სტატიაზე, წიგნებსა და 75 დისციპლინის პირველად წყაროებზე. სტატიები, ჟურნალები და წიგნები ხელმისაწვდომია ინგლისურ, ფრანგულ, გერმანულ, იტალიურ, ესპანურ, პოლონურ, ლათინურ და სხვა ენებზე, რომლებიც დახმარებას გაუწევს მკვლევრებს, მეცნიერებს, სტუდენტებსა და სხვა დაინტერესებულ პირებს.

2022 წლის 30 სექტემბერსა და 1 ოქტომბერს რუმინეთში, ქალაქ მოლდოვაში, მოლდოვას სახელმწიფო უნივერსიტეტში ჰიბრიდულ ფორმატში გაიმართება საერთაშორისო სამეცნიერო კონფერენცია „ბავშვის უმაღლესი ინტერესი: სოციოკულტურული, ნორმატიული და იურისდიქციული მიდგომა“. კონფერენციის მიზანია, შექმნას პლატფორმა სამეცნიერო-პრაქტიკული დისკუსიებისთვის ბავშვის უფლებების დაცვის სფეროში და, კერძოდ, უზრუნველყოს ბავშვის საუკეთესო ინტერესების გათვალისწინება ნებისმიერი პროცედურული განხორციელებისას.

2022 წლის 6-8 სექტემბერს, ბელგიაში, ქალაქ ბრიუსელში იმართება I საერთაშორისო სამეცნიერო პრაქტიკული ონლაინ კონფერენცია თემაზე „მეცნიერება სწრაფი ცვლილებების გარემოში“ (SCIENCE IN THE ENVIRONMENT OF RAPID CHANGES). კონფერენციის მონაწილეთა ნაშრომები გამოქვეყნდება კონფერენციის მასალების კრებულში (ISBN 978-2-8037-1533-6) და კონფერენციის მასალების ელექტრონული კრებული განთავსდება ვებგვერდზე 2022 წლის 8 სექტემბერს. კონფერენციაში მონაწილეობა შეუძლიათ დოქტორებს, მკვლევრებს, პროფესორ-მასწავლებლებს, დოქტორანტებს, სტუდენტებსა და სხვადასხვა სამეცნიერო პროფილის სპეციალისტებს.

2022 წლის 26-28 აგვისტოს, პოლონეთში, ქალაქ ვარშავაში იმართება I საერთაშორისო სამეცნიერო პრაქტიკული ონლაინ კონფერენცია თემაზე: „მრავალფეროვნება და ჩართულობა სამეცნიერო სფეროში“ (Diversity and Inclusion in Scientific Area). კონფერენციის მონაწილეთა ნაშრომები გამოქვეყნდება კონფერენციის მასალების კრებულში (ISBN 978-83-7138-64-0) და კონფერენციის მასალების ელექტრონული კრებული განთავსდება ვებგვერდზე. ყველა მონაწილეს გადაეცემა სერტიფიკატი. კონფერენციაში მონაწილეთა საბუთების გაგზავნის ბოლო ვადაა 16 აგვისტო, ელმისამართზე: info@interconf.top

იაპონიის საელჩო აცხადებს იაპონიის მთავრობის პროგრამის „მეცნიერებისა და ტექნოლოგიების კვლევა მდგრადი განვითარებისთვის“ (SATREPS) მონაწილეთა შესარჩევ კონკურსს. პროგრამა ხელს უწყობს საერთაშორისო ერთობლივ კვლევებს და სტრუქტურირებულია, როგორც თანამშრომლობა იაპონიის მეცნიერებისა და ტექნოლოგიების სააგენტოს (JST) შორის და უზრუნველყოფს კონკურენტუნარიანი კვლევის ფონდებს სამეცნიერო და ტექნოლოგიური პროექტებისთვის.