ევროკავშირის ჩეხეთის თავმჯდომარეობისა და ევროკომისიის შიდა ბაზრის, მრეწველობის, მეწარმეობისა და მცირე და საშუალო ბიზნესის გენერალური დირექტორატის ორგანიზებით იმართება ერთიანი ბაზრის დაარსებიდან 30 წლისადმი მიძღვნილი კონფერენცია. სესიაში ჩართული იქნებიან მკვლევრები აკადემიური წრეებიდან და პოლიტიკის შემქმნელები ევროკავშირისა და ეროვნული ინსტიტუტებიდან, რომლებიც წარმოადგენენ საკუთარი კვლევის შედეგებსა და პოლიტიკის შეხედულებებს ერთიან ბაზართან დაკავშირებით.

9 ივნისს, 15:00 საათზე, ბათუმის შოთა რუსთაველის სახელმწიფო უნივერსიტეტის სამეცნიერო კვლევების სამსახურის ორგანიზებით დოქტორანტებისა და პოსტდოკებისთვის ჩატარდება ონლაინ-პრეზენტაცია საფრანგეთში ორთვიანი სწავლების სტიპენდიასთან და ასევე ჰუმბოლდტის კვლევით სტიპენდიასთან დაკავშირებით. ღონისძიებაზე წარმოდგენილი ინფორმაცია იქნება სასწავლო სტიპენდიისა და კონკურსში მონაწილეობის შესახებ.

SciFlow არის ონლაინ ტექსტური რედაქტორი მკვლევართა და სტუდენტებისთვის, რომლი ტექნოლოგიის გამოყენებით შესაძლებელია სამეცნიერო ტექსტების შექმნა და რედაქტირება, შესაძლებელია ციფრული პუბლიკაციების (HTML, PDF) გავრცელება და მოძიება. ინფორმაციის დეტალურად მიღებისთვის და SciFlow-ის ფუნქციების სრულყოფილად გაცნობისთვის, ტარდება ვებინარების მეშვეობით. მითითებული ბმულით შეგიძლიათ დარეგისტრირდეთ ვებინარზე.

2022 წლის 24 ივნისს, ბათუმის ნავიგაციის სასწავლო უნივერსიტეტში, ონლაინ რეჟიმში, ბათუმის შოთა რუსთაველის სახელმწიფო უნივერსიტეტის მხარდაჭერით ტარდება მეზღვაურთა საერთაშორისო დღისადმი მიძღვნილი VI საერთაშორისო სამეცნიერო კონფერენცია: „მდგრადი სატრანსპორტო სისტემა და საზღვაო ლოგისტიკა“. კონფერენციის მასალები სტატიების სახით გამოქვეყნდება შემდეგ ჟურნალებში: „ინოვაციური ეკონომიკა და მართვა“, „ეკონომიკა, ეკოლოგია, სოციუმი“.

20 ივლისს., გორში, ეროვნული თავდაცვის აკადემიაში იმართება ეროვნული უსაფრთხოების აქტუალური საკითხებისადმი მიძღვნილი სამეცნიერო - პრაქტიკული კონფერენცია. მუშაობა გაიმართება სექციების მიხედვით: პირველი სექცია - გლობალიზაცია თუ სუვერენიტეტი; მეორე სექცია - ეროვნული უსაფრთხოება ადამიანის უფლებების საპირისპიროდ; მესამე სექცია - ეროვნული უსაფრთხოება და საგარეო პოლიტიკა; მეოთხე სექცია - სამხედრო საფრთხეები და მათი გადაჭრის გზები. მონაწილეობის მიღება შეუძლიათ საქართველოში აკრედიტებული უმაღლესი სასწავლებლების დოქტორანტებს და დოქტორის ხარისხის მქონე პირებს.