უმაღლესი განათლების ინტერნაციონალიზაციის ხელშეწყობის მიზნით, 2025 წლის 24-26 იანვარს, ქ. ქუთაისში, მესამე საერთაშორისო Excellence school ჩატარდება. მესამე საერთაშორისო Excellence school-ის თემატიკაა: „ინტელექტუალური საკუთრება უმაღლეს განათლებაში“. ღონისძიებას უმასპინძლებს ქუთაისის საერთაშორისო უნივერსიტეტი აკაკი წერეთლის სახელმწიფო უნივერსიტეტთან პარტნიორობით. მესამე საერთაშორისო Excellence school-ში მონაწილეობის მისაღებად განაცხადის წარმოდგენის ბოლო ვადაა: 2024 წლის 29 ნოემბერი, 21:00 საათი.

2025-2026 აკადემიური წლისთვის შვეიცარიის მთავრობა აცხადებს სტიპენდიებს, რომლებიც განკუთვნილია ქართველი სტუდენტებისთვის სადოქტორო, პოსტ-სადოქტორო და კვლევითი მიმართულებით. საელჩოში საბუთების წარდგენის ბოლო ვადა არის 2024 წლის 25 ნოემბერი, 12:00 საათი. დაინტერესებულ პირებს შეუძლიათ მიმართონ საქართველოში შვეიცარიის საელჩოს შემდეგ ელექტრონულ მისამართზე: tbilisi@eda.admin.ch

კორეის საჯარო პოლიტიკისა და მართვის სკოლა 2025 წლის გაზაფხულის სემესტრიდან აცხადებს მიღებას სამაგისტრო და სადოქტორო სასტიპენდიო პროგრამებზე შემდეგი მიმართულებებით:

შოთა რუსთაველის საქართველოს ეროვნული სამეცნიერო ფონდი აცხადებს 2024 წლის დოქტორანტურის საგანმანათლებლო პროგრამების დაფინანსების კონკურსს. კონკურსის მიზანია ინტელექტუალური პოტენციალის განვითარება და მაღალი კვალიფიკაციის სამეცნიერო პერსონალის მომზადება, უმაღლეს საგანმანათლებლო დაწესებულებებში არსებული ინტელექტუალური პოტენციალის მიზნობრივი გამოყენება, სამეცნიერო კვლევისათვის სათანადო პირობების შექმნა, დოქტორანტებისა და უნივერსიტეტების უცხოეთში არსებულ უმაღლეს საგანმანათლებლო და სამეცნიერო-კვლევით დაწესებულებებთან თანამშრომლობა და ამ გზით საქართველოში უმაღლესი განათლების ხარისხის ამაღლება და ახალგაზრდა მეცნიერთა საერთაშორისო სამეცნიერო საზოგადოებაში ინტეგრირება.

6-7 ივნისს მილანში (იტალია) გაიმართა საერთაშორისო კონფერენცია ხარისხისა და თანასწორობის შესახებ უმაღლეს განათლებაში INTERNATIONAL CONFERENCE ON QUALITY AND EQUITY IN HIGHER EDUCATION - (ICQEHE-24), რომლის მიზანი იყო დაეკავშირებინა ერთმანათს სხვადასხვა დარგის წარმომადგენლები, გაეცნოთ უახლესი კვლევები და გამოწვევები. კონფერენციაში მონაწილეობა მიიღეს ევროპისა და აზიის ქვეყნების უსდ-ს წარმომადგენლებმა, ბსუ-ს ჰუმანიტარულ მეცნიერებათა, საბუნებისმეტყველო და მედიცინის, იურიდიული და სოციალურ მეცნიერებათა ფაკულტეტების ხარისხის უზრუნველყოფის სამსახურების ხელმძღვანელებმა. მონაწილეებმა განიხილეს ხარისხსა და თანასწორობასთან დაკავშირებული გლობალური გამოწვევები, უმაღლესი საგანმანათლებლო დაწესებულებები და ხარისხის უზრუნველყოფის სტანდარტის ინდიკატორები და უმაღლესი განათლების სფეროში არსებული სხვა მნიშვნელოვანი საკითხები.