ეკონომიკური ხასიათის ამოცანების ამოხსნის დროს, მათემატიკურად დასაბუთებული საუკეთესო ამონახსნის მისაღებად, გამოიყენება მათემატიკური მოდელირების მეთოდები. მათემატიკური მოდელირების სწავლების დროს განსაკუთრებული მნიშვნელობა ენიჭება სტუდენტთა დაინტერესებას პრაქტიკული ამოცანებით.
იმ პრაქტიკულ ამოცანათა შორის, რომელიც მათემატიკური მოდელირების მეთოდით იხსნება, ფრიად საინტერესოა ეკონომიკური ამოცანები, რომელთა ანალიზი და შეფასება მოითხოვს ორადობის თეორიის გამოყენებას. სასემინარო თემაში, „წრფივი პროგრამირების ორადული ამოცანები და მათი ეკონომიკური ინტერპრეტაცია“, ასახულია ზოგადად მათემატიკური მოდელის არსი, მათემატიკური მოდელის აგების თავისებურებები და მისი გამოყენების სფეროები. განხილულია ეკონომიკური ამოცანები, რომელთა ანალიზი და შეფასება მოითხოვს ორადობის თეორიის გამოყენებას. ყურადღებაა გამახვილებული ამონახსნის ანალიზზე. კერძოდ, მოტანილია ოპტიმალური ამონახსნის ანალიზი მასში შემავალი პარამეტრების ცვლილებისას. ასევე რესურსების განაწილების ამოცანის ანალიზი ორადობის თეორიის გამოყენებით. მოყვანილია შესაბამისი კონკრეტული მაგალითები და მათი კომპიუტერული რეალიზაცია.
პრეზენტაცია| უკან |
