ქ. ბათუმის საჯარო და კერძო სკოლების მოსწავლეთა მიერ საგანმანათლებლო პროცესის შეფასება (სოციოლოგიური ანალიზი) მიზნად ისახავს სასკოლო განათლების სხვადასხვა საკითხთან დაკავშირებით სკოლების მოსწავლეთა შეხედულებების გამოვლენას და ანალიზს. ამ მიზნით ქ. ბათუმის სხვადასხვა საჯარო და კერძო სკოლაში ჩატარდა ჯერ წინარე საპილოტე გამოკვლევა, მის საფუძველზე ანკეტების შედგენა და მოსწავლეთა ანკეტური გამოკითხვა, განხორციელდა მონაცემთა ანალიზი. სემინარზე წარმოდგენილი და განხილული იქნება მნიშვნელოვანი დასკვნები უფროსკლასელ მოსწავლეთა თვალსაზრისის შესახებ ისეთ საკითხებზე, როგორიცაა: ცოდნის შეფასების კრიტერიუმები, მასწავლებელთა კომპეტენციის დონე, პედაგოგებისა და მოსწავლეების ურთიერთდამოკიდებულების ფორმები, სახელმძღვანელოების ვარგისიანობა, სასწავლო პროცესის და პროგრამების ხარისხი, სკოლაში პროფილური სწავლების საჭიროება, სასკოლო გარემო და სკოლების ტექნიკური აღჭურვილობა, მოსწავლეთა უფლებების დაცვა, მანდატურების როლი, მშობლებისა და სკოლის ურთიერთობის საკითხები, მოსწავლეთა აღმსარებლობა და პოლიტიკური აქტივობა და სხვ. წარმოდგენილი იქნება ის პრობლემები, რაც ბათუმელი მოსწავლეების აზრით, დამახასიათებელია საგანმანათლებლო პროცესისათვის და მათი გადაჭრის გზები, მოსწავლეების თვალსაზრისით.

zoom:   https://us02web.zoom.us/j/4662109382