ხელოვნური ინტელექტის გამოყენება ინგლისური ენის სწავლებისას   

ბოლო წლებში ბუნებრივი ენის დამუშავების ტექნოლოგიების სწრაფმა განვითარებამ დახვეწილი მოსაუბრე აგენტების წარმოქმნა გამოიწვია, რომლებიც ჩატბოტების სახელით არის ცნობილი. ჩატბოტებმა, განსაკუთრებით კი იმ ჩატბოტებმა, რომლებიც გენერაციულ წინასწარ მომზადებულ ტრანსფორმატორებზე არიან დაფუძნებულნი, სხვადასხვა სფეროში დიდი პერსპექტივა აჩვენეს. ამ სფეროებს შორისაა განათლება  და უცხო ენის შესწავლის პროცესი. თუმცა, კომუნიკატორების მიზნით შექმნილ ჩატბოტებს ჯერ მნიშვნელოვანი წვლილი არ შეუტანიათ. შესაძლოა, მათ ბუნებრივ დანიშნულებას წარმოადგენს ის, რომ ენის შემსწავლელისათვის გახდეს პარტნიორი სწავლის პროცესში. ამიტომ, ეფექტურ და პერსონიფიცირებულ სასწავლო პროგრამებზე მზარდი მოთხოვნილებების გამო მკვლევარებმა და პედაგოგებმა დაიწყეს ჩატბოტების ინტეგრირების პოტენციალის შესწავლა ენის სწავლების პროცესში, რათა გააუმჯობესონ სტუდენტების ჩართულობა ენის დაუფლების პროცესში.

მიუხედავად იმ ფაქტისა, რომ  ეს რეალობა ჰორიზონტზე უკვე ათ წელზე მეტი ხნის განმავლობაში მოსჩანს, მაინც არ არსებობს სრული მტკიცებულება იმისა, რომ მოსაუბრე აგენტების  გამოყენებით ენის სწავლის შესაძლებლობების ოქროს ხანა უკვე დადგა. GPT -ზე დაფუძნებულმა ჩატბოტებმა აჩვენეს ადამიანის მსგავსი პასუხების გენერირების და კოჰერენტული საუბრების უზრუნველყოფის უნარი, რაც საშუალებას იძლევა, რომ დაეხმარონ ენის შემსწავლელებს ინტერაქციული და კომუნიკაციური დავალებების შესრულებისას.

ჩვენი კვლევის მეთოდები მოიცავს ინგლისური ენის სწავლების პროცესში ლიტერატურის და სიტუაციების ანალიზს, ემპირიული კვლევის მეთოდებს, ინტერვიუებს და სხვა.

GPT-ზე დაფუძნებული ჩატბოტები უნივერსალურად აჩვენებენ პასუხების გენერირების უნარს თანმიმდევრული საუბრების შენარჩუნებისას. ეს ტექნიკური ინოვაცია საშუალებას იძლევა სასწავლო პროცესში ინტერაქტიული და კომუნიკაციური ამოცანების შესრულებისას გამოიყენოს GPT-ზე დაფუძნებული ჩატბოტები. საქართველოში გაჩნდა ახალი შესაძლებლობა, შეავსოს სწავლების ტრადიციული მეთოდები და გააუმჯობესოს სწავლის ეფექტიანობა. როგორც ექსპერიმენტმა აჩვენა, ხელოვნური ინტელექტის ტექნოლოგიები მიესადაგება  ინგლისური ენის შესწავლას და ზრდის სტუდენტების ინტერესს სწავლისადმი. აშკარა პოტენციური უპირატესობის მიუხედავად, GPT-ზე დაფუძნებული ჩატბოტების ეფექტიანი ინტეგრაცია ენის სწავლებაში ყურადღებით შესწავლას და შემდგომ ემპირიულ მტკიცებულებებს მოითხოვს.