ფუზარიუმები (Fusarium) - მიეკუთვნება ანამორფულ (უსრულო) გვარის ობიან სოკოებს. ამ გვარის პათოგენი სოკოების წარმომადგენლებს არსებითი მნიშვნელობა გააჩნიათ, დიდ ზიანს აყენებს სახალხო მეურნეობას, მათ შეიძლება გამოიწვიონ დაავადებები და ტოქსიკოზი როგორც მცენარეებსა და ცხოველებში, ასევე, ადამიანებშიც. ფუზარიუმით გამოწვეულ სოკოვან დაავადებას მცენარეებში ეწოდება ფუზარიოზი, ცხოველებისა და ადამიანის მოწამვლას - ფუზარიოტოქსიკოზი. პათოგენი სოკო მცენარეებში იწვევეს  ფესვების სიდამპლეს, ჭკნობას (ტრაქეომიკოზური ჭკნობა), თესლისა და ნაყოფების დაზიანებებს.
Fusarium-ის გვარის  სოკოების უამრავი სახეობება არსებობს, მაგრამ,  ჩვენ განვიხილავთ Fusarium-ის ხუთ სახეობას, რომლებიც შედარებით მეტი სიხშირით არის გავრცელებული საქართველოში:  F. graminearum, F. moniliforme, F. solani,   F. oxysporum  და F. culmorum.