განხილულია სხვადასხვა ელექტრომემბრანული პროცესის მოქმედების პრინციპი და  გამოყენების სფეროები. ნაჩვენებია, რომ ელექტრომემბრანული პროცესების საფუძველს წარმოადგენს ელექტროდიალიზი. ელექტროდიალიზის მეთოდით შესწავლილია სხვადასხვა pH-ის მქონე საწარმოო ტექნოლოგიური ხსნარების pH-ის კორექტირების შესაძლებლობა. დადგენილია, რომ ელექტროდიალიზურ აპარატზე, რომლის მემბრანული პაკეტი აწყობილია ერთფენოვანი МК-40 და МА-40  იონმიმოცვლითი და МБ-2 ორფენოვანი (ბიპოლარული) მემბრანებით, შესაძლებელია ხსნარის  pH-ის ცვლილება თითქმის ნეიტრალურამდე იმ ხსნარებისათვის,  რომლის 3 < pH < 11 .
ცვლილების ინტენსივობა  დამოკიდებულია საწყისი ხსნარის pH-ის მნიშვნელობაზე, დანადგარის წარმადობაზე და დენის სიმკვრივეზე აპარატში. ნაჩვენებია, რაც უფრო დიდია საწყისი pH-ის გადახრა ნეიტრალურიდან, მით მაღალია დენის სიმკრივე და ნეიტრალიზაციის პროცესის ენერგოხარჯი. დადგენილია, როცა ხსნარის 3>pH>11-ზე   ელექტროდიალიზის მეთოდით  pH-ის  ცვლილებას პრაქტიკულად არა აქვს ადგილი, რაც ახსნილია  შესაბამის სისტემაში  წყალბადის ან ჰიდროქსილის იონების სიჭარბით, რომლებიც  დიდი ალბათობით  ეწინააღმდეგებიან  ბიპოლარული მემბრანის მიერ დამატებით   H+  და   OH- იონების    გენერირებას.

  დანართი