24-25 მარტს ჟან მონეს კათედრის ხელმძღვანელმა, პროფესორმა მალხაზ ნაკაშიძემ, აშშ-ის ვიზიტის ფარგლებში, მონაწილეობა მიიღო ჰარვარდის უნივერსიტეტის სამართლის სკოლასა და კენედის მმართველობის სკოლაში გამართულ კონფერენციაში „Frontline Europe a Continent’s Struggle for Relevance, Unity and Value". მაღალი რანგის კონფერენცია ყოველწლიურად იმართება და აერთიანებს პოლიტიკურ ლიდერებს, მსოფლიო დონის ექსპერტებს და პრაქტიკოსებს მთელი ევროპიდან, რათა განიხილონ ევროპის წინაშე მდგარი გამოწვევები, უკრაინის ომის შედეგად წარმოქმნილი გეოპოლიტიკური გამოწვევები, ევროკავშირის ევოლუცია, ტრანსატლანტიკურ ურთიერთობები და სხვა.

USAID-ის სამართლის უზენაესობის პროგრამის მხარდაჭერით, ბათუმის შოთა რუსთაველის სახელმწიფო უნივერსიტეტი ახორციელებს პროექტს „აჭარის რეგიონში პრაქტიკული სამართლის სწავლების ხელშეწყობა“. პროქტის ფარგლებში, 21-23 თებერვალს გამართულ ტრენინგს „პრაქტიკული სამართლის სწავლება“ (Street Law Teainin) ესწრებოდნენ იურიდიული და სოციალურ მეცნიერებათა ფაკლუტეტის დეკანი ლევან ჯაყელი, პრაქტიკული სამართლის კლინიკის კოორდინატორი ცირა კომახიძე და პროექტში ჩართული სტუდენტები. სწავლებას უძღვებოდნენ საერთაშორისო ტრენერები - რიჩარდ გრაიმსი და ემი ვოლასი.

2023 წლის 22 მარტს ბსუ-ს იურიდიული და სოციალურ მეცნიერებათა ფაკულტეტზე გაიმართა ფაკულტეტის დეკანის არჩევნები.
ფაკულტეტის საბჭოს 46 წევრიდან არჩევნებში მონაწილეობა მიიღო 40 ამომრჩეველმა. არჩევნებში დარეგისტრირებულმა კანდიდატმა მიიღო ხმების შემდეგი ოდენობა:

დაუნის სინდრომის საერთაშორისო დღესთან დაკავშირებით, ბსუ-ს იურიდიული და სოციალურ მეცნიერებათა ფაკულტეტის ფსიქოლოგიის მიმართულების სტუდენტებმა (ინიციატორები მეოთხე კურსის სტუდენტები: მარიამ მახარაძე, ნათია შაინიძე, მარი ფარტენაძე) დაუნის სინდრომის შესახებ ფილმის ჩვენება და პრეზენტაცია გამართეს. სტუდენტებმა ისაუბრეს დაუნის სინდრომის მსოფლიო დღის მნიშვნელობაზე, რომელიც გაეროს ეგიდით 2011 წლის 10 ნოემბერს დაწესდა. თარიღი 21.03 სიმბოლურ ხასიათს ატარებს, რადგან დაუნის სინდრომი 21-ე ქრომოსომის გასამებით ვლინდება. ღონისძიებაზე სტუდენტებმა ასევე იმსჯელეს ფსიქოლოგიური გარემოს როლზე, რომელიც განაპირობებს ამ სინდრომის მქონე ადამიანების სოციუმში ინტეგრაციას. სტუდენტებმა და პროფესორ-მასწავლებლებმა დაუნის სინდრომის მქონეთა მიმართ ფსიქო-ემოციური მხარდაჭერა ხელებზე ფერადი ანაბეჭდებით გამოხატეს.

15-21 მარტს, ბათუმის შოთა რუსთაველის სახელმწიფო უნივერსიტეტის, იურიდიულ და სოციალურ მეცნიერებათა ფაკულტეტის სამართალმცოდნეობის საბაკალავრო საგანმანათლებლო პროგრამის პირველი კურსის სტუდენტები(ნინო ლორთქიფანიძე, ლინდა სურმანიძე მეგუნა პაკსაძე და ნიკა ფარტენაძე) ერთი კვირის განმავლობაში ეუფლებოდნენ დებატების ტექნიკას. ნინო ლორთქიფანიძემ და ნიკა ფარტენაძემ III ადგილი დაიკავეს. პროგრამა მიზნად ისახავდა დებატების ხელოვნების დაუფლებას, სწრაფად აზროვნების და მოკლე დროში გუნდური გადაწყვეტილების მიღების უნარ-ჩვევების გაღრმავებას. დებატების ტურნირში გამარჯვებულ გუნდებს ფასიანი საჩუქრები გადაეცათ, ხოლო დებატ ბანაკის ყველა წევრს - მონაწილეობის დამადასტურებელი სერტიფიკატი.