ჩოხატაურის რაიონის სოფელ ქვემობნისა და ბუკნარის სკოლის მოსწავლეები ბათუმის შოთა რუსთაველის სახელმწიფო უნივერსიტეტს ეწვივნენ. ბსუ-ს რექტორის მოადგილემ, პროფესორმა თამარ სირაძემ სტუმრებს საუნივერსიტეტო ცხოვრება, საგანმანთლებლო პროგრამები და სტუდენტური პროექტები გააცნო. მოსწავლეებმა დაათვალიერეს უნივერსიტეტის მატერიალურ-ტექნიკური ბაზა, ლაბორატორიები, სასამართლო საიმიტაციო დარბაზში გაითამაშეს როლური თამაშები, მოინახულეს ბიბლიოთეკა. შეხვედრისას სკოლის მოსწავლეებს სამახსოვრო საჩუქრები გადაეცათ.