ბათუმის შოთა რუსთაველის სახელმწიფო უნივერსიტეტის კინოკლუბის ფორმატში გაიმართა შეხვედრა ბათუმელ რეჟისორთან, მევლუდ საბაშვილთან. ღონისძიებას კლუბის წევრებთან ერთად ესწრებოდნენ მოწვეული სტუმრები ბათუმის სხვადასხვა სკოლიდან: პირველი საჯარო სკოლის კინოკლუბი ,,სინემა", სკოლა „ნერგები“, სკოლა-ლიცეუმი „მასტერკლასი“ და ამერიკული საერთაშორისო სკოლა „პროგრესი - ბათუმი“.

შეხვედრას ესწრებოდა ასევე მსახიობი მარიამ ხითარიშვილი, რომელიც მევლუდ საბაშვილის კინოშემოქმედების ერთ-ერთი მუზაა. ღონისძიების ფარგლებში მოეწყო რეჟისორის მოკლემეტრაჟიანი ფილმების ჩვენება და განხილვა.

ღონისძიება სკოლისა და უნივერსიტეტის თანამშრომლობის ფარგლებში გაიმართა და მიზნად ისახავდა ახალგაზრდების კულტურულ-შემოქმედებითი უნარების განვითარებას.