27 ნოემბერს, ონლაინ ფორმატში, 15:00 საათზე ჩატარდება გაფართოების სვეტის საინფორმაციო დღე. ღონისძიებას წარმართავს ეროვნული საკონტაქტო პირი გაფართოების მიმართულებით ნინო როდონაია. შეხვედრაზე განსაკუთრებული ყურადღება დაეთმობა გაფართოების სვეტის ორ კონკურსს: Excellence Hubs და ERA Chairs.
საქართველოს კლიმატის შესწავლისა და კვლევის ალიანსი (Climate Education and Research Alliance Georgia (CERA) საქართველოს ყველა აკადემიური დაწესებულებისათვის მართავს პირველ ონლაინ შეხვედრას თემაზე: „აკადემიური თანამშრომლობის გაძლიერება კლიმატთან და სხვა მდგრად მეცნიერებებთან მიმართებით“. ალიანსის მიზანია, შექმნას აკადემიური ინსტიტუტების ქსელი, რომლებიც განავითარებენ განათლებას და კვლევას საქართველოში კლიმატის ცვლილებისა და მდგრადობის სფეროებში.
10 ნოემბერს, 16:00 საათზე, განათლების საერთაშორსო დღისადმი მიძღვნილი საინფორმაციო შეხვედრა გაიმართება ევროპული კვლევების საბჭოს (ERC) კონსოლიდატორ გრანტის მიმართულების შესახებ. ღონისძიებას წარუძღვება ეროვნული საკონტაქტო პირი ERC მიმართულებით ეკატერინე სანაია. ERC კონსოლიდატორის საგრანტო კონკურსში მონაწილეობის მიღება შესაძლებელია დამოუკიდებელი, წარჩინებული მკვლევრებისთვის სამეცნიერო აკადემიური ხარისხის მინიჭებიდან 7-12 წლის შემდეგ.
10 ოქტომბერს, 16:00 საათზე ჩატარდება ევროპული კვლევების საბჭოს (ERC) საინფორმაციო დღე. შეხვედრაზე განიხილება ევროპული კვლევების საბჭოს შესაძლებლობები, კერძოდ - საწყისი საფეხურის გრანტის (Starting Grant) კონსოლიდატორ გრანტის (Consolidator Grant) და სინერგიის გრანტების (Synergy Grant) მიმართულებები. ღონისძიებას წარმართავენ ეროვნული საკონტაქტო პირები ERC მიმართულებით - ეკა სანაია და მარიამ ქებურია.
6 ოქტომბერს, 16:00 საათზე, ონლაინ ფორმატში, „თიმსის" პლატფორმის საშუალებით ჩატარდება მე-3 სვეტის (ინოვაციური ევროპა) საინფორმაციო დღე. შეხვედრაზე განიხილება ევროპის ინოვაციების საბჭოს (EIC) აქსელერატორის, ევროპის ინოვაციების ეკოსისტემისა (EIE) და ევროპის ინოვაციებისა და ტექნოლოგიების ინსტიტუტის (EIT) მიერ გამოცხადებული კონკურსები. ღონისძიებას წარუძღვება მე-3 სვეტის ეროვნული საკონტაქტო პირი ანა გოლეთიანი.
