ახალი ამბები

ბათუმის შოთა რუსთაველის სახელწმიფო უნივერსიტეტს საქართველოში რუმინეთის საგანგებო და სრულუფლებიანი ელჩი რადუ-ლივიუ ჰორუმბა ეწვია. დიპლომატიური კორპუსის წარმომადგენელმა ბსუ-ს რექტორის მოადგილესთან თამარ სირაძესთან და სტრატეგიული განვითარებისა და საგარეო ურთიერთობათა დეპარტამენტის უფროსის მოადგილესთან ნანა ყურშუბაძესთან გამართულ გაცნობითი ხასიათის შეხვედრაზე სამომავლო თანამშრომლობის მიმართულებებზე ისაუბრა. მხარეთა შეთანხმებით, დაიგეგმა რუმინეთის უმაღლეს საგანმანათლებლო დაწესებულებებთან თანამშრომლობის გამყარება და ერთობლივი საგანმანათლებლო პროექტების განხორციელება. მხარეთა შეთანხმებით, ივლისში უნივერსიტეტში გაიმართება გამოფენა „ქალაქების შეჯამება, ევროპული მოედნები და მათი ისტორიები“.

ბათუმი შოთა რუსთაველის სახელმწიფო უნივერსიტეტის ეკონომიკისა და ბიზნესის ფაკულტეტის, ბიზნეს ადმინისტრირების სადოქტორო პროგრამის დოქტორანტმა გიორგი ქათამაძემ გაიმარჯვა შოთა რუსთაველის საქართველოს ეროვნული სამეცნიერო ფონდის მობილობისა და საერთაშორისო სამეცნიერო ღონისძიებების საგრანტო კონკურსში–გრანტის ნომერი MG-TG-19-228 , რომლითაც 2019 წლის 12-14 სექტემბერს მონაწილეობას მიიღებს საფრანგეთში, ქ. პარიზში საერთაშორისო სამეცნიერო კონფერენციაში 2019 9th International Conference on Financial Management and Economics (ICFME 2019), სადაც წარადგენს კვლევას „საქართველოში მოქმედ ბიზნეს სუბიექტებზე (დეველოპერული კომპანიების ქეისებზე დაყრდნობით) ეროვნული ბანკის მონეტარული პოლიტიკის გავლენის ანალიზი“. ნაშრომი დაიბეჭდება საერთაშორისო სამეცნიერო ჟურნალში: Journal of Economics, Business and Management (JOEBM, ISSN: 2301-3567, DOI: 10.18178).

ბსუ-ში ERASMUS+ CBHE-ის საგრანტო პროექტის „InnoCENS Project“-ის ფარგლებში კონსორციუმის წევრი უნივერსიტეტების წარმომადგენელთა და საერთაშორისო მრჩეველთა საბჭოს წევრთა შეხვედრა გაიმართა. პროგრამის 30-მა ქართველმა, შვედმა, ფინელმა, ესპანელმა, ბელორუსმა, სომეხმა, ყაზახმა მონაწილემ შეაჯამა პროექტის ორწლიანი მუშაობის შედეგები და ბსუ-ში ჩატარებული ინოვაციური ბიზნეს იდეების კონკურსი.

ბათუმის შოთა რუსთაველის სახელმწიფო უნივერსიტეტში ინსტიტუციური თანამშრომლობის „საქართველოს უმაღლესი საგანმანათლებლო დაწესებულებების კვლევითი შესაძლებლობების ამაღლება კვლევისა და განვითარების ერთეულების განვითარების გზით/უმაღლესი განათლების ხარჯები კვლევასა და განვითარებაზე (HERD)“ (Erasmus+Capacity Building in Higher Education (CBHE) პროექტის ფარგლებში ვორქშოფი დაიწყო. პროექტი მიზნად ისახავს ქვეყნის მასშტაბით არსებული კვლევითი შესაძლებლობების გაუმჯობესებას საქართველოს უნივერსიტეტებში კვლევითი სამსახურების განვითარების მეშვეობით. სამდღიან ვორქშოპში საქართველოსა და უცხოეთის უნივერსიტეტების 30-მდე წარმომადგენელი მონაწილეობს.

ბულგარეთის რესპუბლიკის საგანგებო და სრულუფლებიანი ელჩი საქართველოში დესისლავა ივანოვა ბათუმის შოთა რუსთაველის სახელმწიფო უნივერსიტეტს ეწვია. დიპლომატიური კორპუსის წარმომადგენელი ბსუ-ს რექტორს მერაბ ხალვაშს შეხვდა და სამომავლო თანამშრომლობის მიმართულებებზე ისაუბრა. მხარეთა შეთანხმებით, დაიგეგმა ბსუ-სა და ბულგარეთის უნივერსიტეტებს შორის ერაზმუს+-ის პროექტის ფარგლებში გაცვლითი პროგრამების ამოქმედება და ბულგარეთის უნივერსიტეტებთან თანამშრომლობის გაღრმავება.