ბსუ-ს ბავშვთა უფლებების ცენტრში იუნისეფის წარმომადგენელებთან შეხვედრა გაიმართა
ბათუმის შოთა რუსთაველის სახელმწიფო უნივერსიტეტის ბავშვთა უფლებების ცენტრში იუნისეფის წარმომადგენელებთან შეხვედრა გაიმართა. გაეროს ბავშვთა ფონდის წარმომადგენელმა საქართველოში ღასან ხალილმა და ბსუ-ს რექტორმა, პროფესორმა მერაბ ხალვაშმა ბსუ-ს ბავშვთა უფლებების ცენტრის საქმიანობა შეაჯამეს და სამომავლო გეგმებზე ისაუბრეს. ღონისძიების ფარგლებში ასევე გაიმართა დისკუსია ცენტრის განვითარების და მდგრადობის სტრატეგიის შესახებ. ბავშვთა უფლებების ცენტრი ბათუმის სახელმწიფო უნივერსიტეტში 2021 წელს დაარსდა, სადაც შემუშავდა საგანმანათლებლო მასალები და იმართება ტრენინგები, საჯარო ლექციები და დისკუსიები ბავშვთა უფლებების საკითხებზე.
