ახალი ამბები
20.03.2023

ბსუ Webometrics-ის უნივერსიტეტთა რანჟირების საერთაშორისო ქსელის რეიტინგულ სიაში კვლავ ლიდერობს. უნივერსიტეტთა რანჟირების საერთაშორისო ქსელმა (Ranking Web) გავლენის, ღია წვდომისა და წარმატების მაჩვენებელთა საფუძველზე (Impact Rank, Openness Rank, Excellence Rank), მსოფლიოს უმაღლესი საგანმანათლებლო დაწესებულებები გამოავლინა. ბათუმის შოთა რუსთველის სახელმწიფო უნივერსიტეტი საქართველოს უმაღლეს საგანმანათლებლო დაწესებულებებს შორის მე-7 ადგილს იჭერს, ამიერკავკასიაში - მე-17, ცენტრალურ და აღმოსავლეთ ევროპაში - 465-ე, ხოლო მსოფლიოში -5328-ე ადგილზეა. უნივერსიტეტთა რანჟირების საერთაშორისო ქსელის რეიტინგულ სიაში ამიერკავკასიაში კვლავ საქართველოს უნივერსიტეტები ლიდერობენ.

დეტალური ინფორმაცია იხილეთ ბმულზე: https://webometrics.info/en/Europe/Georgia%20

ბათუმის შოთა რუსთაველის სახელმწიფო უნივერსიტეტში ბაკალავრიატის სტუდენტებისთვის „სწავლა საზღვარგარეთ“ პროგრამის წარდგენა გაიმართა. გაცვლითი პროგრამა ბსუ-ს და აჭარის ა. რ. განათლების, კულტურისა და სპორტის სამინისტროს შორის გაფორმებული მემორანდუმის ფარგლებში ხორციელდება და ითვალისწინებს 2023-2024 სასწავლო წელს (შემოდგომის/გაზაფხულის სემესტრი), ევროპის უნივერსიტეტებში, 1 სემესტრით საბაკალავრო საგანმანათლებლო პროგრამების 12 სტუდენტის სწავლის გაგრძელებას. სხვადასხვა ფაკულტეტის სტუდენტებს გაცვლით პროგრამაში მონაწილეობის პირობები ბსუ-ს სტრატეგიული განვითარებისა და საგარეო ურთიერთობათა დეპარტამენტის უფროსმა მარინე გიორგაძემ, დეპარტამენტის უფროსის მოადგილემ ნანა ყურშუბაძემ და აჭარის ა.რ. განათლების, კულტურისა და სპორტის სამინისტროს პროფესიული და უმაღლესი განათლების განყოფილების უფროსის მოვალეობის შემსრულებელმა მარინა პაქსაძემ გააცნეს.