ბათუმის შოთა რუსთაველის სახელმწიფო უნივერსიტეტში გაზაფხულის სემესტრი, სწავლების ყველა საფეხურზე, განახლდება 2022 წლის 21 მარტიდან. ჯგუფში მუშაობა, პრაქტიკული, ლაბორატორიული, სემინარი და სხვა სამუშაოები, გარდა ლექციებისა, ჩატარდება საუნივერსიტეტო სივრცეში. ეპიდემიოლოგიური მდგომარეობისა და მოქმედი რეგულაციების გათვალისწინებით, ლექციების არადისტანციურ ფორმატში გადმოტანა განხორციელდება ეტაპობრივად.
გარდაიცვალა ბსუ-ს ზუსტ მეცნიერებათა და განათლების ფაკულტეტის მათემატიკის დეპარტამენტის ემერიტუს-პროფესორი, საქართველოში აბსტრაქტული მათემატიკის ფუძემდებელი იაშა დიასამიძე. იაშა დიასამიძემ მნიშვნელოვანი წვლილი შეიტანა მათემატიკის განვითარებასა და მომავალი თაობების აღზრდაში. იგი იკვლევდა გაერთიანების სრული ნახევარმესერებით განსაზღვრულ ბინარულ მიმართებათა სრულ ნახევარგჯგუფებს. ბათუმის შოთა რუსთაველის სახელმწიფო უნივერსიტეტი ღრმა მწუხარებას გამოთქვამს ემერიტუს-პროფესორ იაშა დიასამიძის გარდაცვალების გამო და თანაუგრძნობს ოჯახს, მეგობრებსა და სამეცნიერო საზოგადოებას.
გარდაიცვალა ბსუ-ს ჰუმანიტარულ მეცნიერებათა ფაკულტეტის ფილოსოფიის დეპარტამენტის ემერიტუს-პროფესორი, ფილოსოფიის დოქტორი რომან ზოსიძე (1934-2022). ბათუმის შოთა რუსთაველის სახელმწიფო უნივერსიტეტი და ჰუმანიტარულ მეცნიერებათა ფაკულტეტი ღრმა მწუხარებას გამოთქვამს ემერიტუს-პროფესორ რომან ზოსიძის გარდაცვალების გამო და თანაუგრძნობს ოჯახს, მეგობრებს და სამეცნიერო საზოგადოებას.
