ბათუმის შოთა რუსთაველის სახელმწიფო უნივერსიტეტი ღრმა მწუხარებას გამოთქვამს ბათუმში, 26 მაისის ქუჩაზე, კორპუსის ჩამონგრევის შედეგად დატრიალებული შემზარავი ტრაგედიის გამო და უსამძიმრებს გარდაცვლილთა ოჯახებს, ახლობლებს, ბათუმსა და სრულიად საქართველოს.
პირველკურსელთა საყურადღებოდ!
11 ოქტომბერს, Zoom-ის ონლაინ პლატფორმის საშუალებით, სწავლის დაწყებასთან დაკავშირებით, პირველკურსელებთან გაიმართება საინფორმაციო შეხვედრები. ფაკულტეტების დეკანები პირველკურსელებს დეტალურ ინფორმაციას მიაწოდებენ უნივერსიტეტისა და სასწავლო პროცესის შესახებ. შეხვედრის დასწრების ბმულს დამატებით ასევე მიიღებთ სმს შეტყობინების სახით.
საქართველოს მთავრობის „იზოლაციისა და კარანტინის წესების დამტკიცების შესახებ“ დადგენილებაში (N322, 23.05.2020) 2021 წლის 30 სექტემბერს შესული ცვლილების გათვალისწინებით, უმაღლესი საგანმანათლებლო დაწესებულებები უფლებამოსილნი არიან, სასწავლო პროცესი განაახლონ დასწრებით ფორმატში. შესაბამისად, ბსუ-ს ადმინისტრაციამ მიიღო გადაწყვეტილება სასწავლო პროცესი ნაცვლად 4 ოქტომბრისა, დაიწყოს 11 ოქტომბერს, შერეული (ჰიბრიდული) ფორმატით. კერძოდ, ლექციები ჩატარდეს დისტანციურად, ონლაინ რეჟიმში, ხოლო პრაქტიკული, ლაბორატორიული და ჯგუფში მუშაობა საუნივერსიტეტო სივრცეში.
