კონკურსები

თურქეთის რესპუბლიკის საელჩო აკადემიურ პერსონალსა და მკვლევრებს სთავაზობს თურქული ენის სასტიპენდიო პროგრამას (KATIP). პროგრამის ხანგრძლივობა შეადგენს 8 თვეს. სასწავლო პროგრამა იწყება 2024 წლის ნოემბერს და სრულდება 2025 წლის ივლისის თვეში. სტიპენდია ფარავს თურქული ენის განათლებასთან მიღებულ ხარჯებს: ორმხრივი ფრენის საფასურს, განთავსებისა და პროგრამის ფარგლებში დაგეგმილი კულტურული ღონისძიებების ხარჯებს. ზემოაღნიშნულ პროგრამასთან დაკავშირებით დეტალური ინფორმაცია წარმოდგენილია თანდართულ ფაილში.

აჭარის ა.რ. განათლების, კულტურისა და სპორტის სამინისტრო „უმაღლესი განათლების ხელშეწყობის“ ქვეპროგრამის ფარგლებში აცხადებს უცხოენოვანი სამეცნიერო/სახელმძღვანელო ლიტერატურის თარგმნა/ბეჭდვის საგრანტო პროექტის კონკურსს. კონკურსის მიზანია სტუდენტებისთვის, მკვლევრებისა და დაინტერესებული საზოგადოებისთვის გაზარდოს უახლეს სამეცნიერო ლიტერატურაზე/ სახელმძღვანელოებზე ხელმისაწვდომობა. საგრანტო კონკურსში მონაწილეობის მიღების უფლება აქვთ საქართველოში რეგისტრირებულ საჯარო სამართლის და საქართველოში რეგისტრირებულ არასამეწარმეო (არაკომერციულ) იურიდიულ პირებს.

ბათუმის შოთა რუსთაველის სახელმწიფო უნივერსიტეტი ბსუ-ს აკადემიური პერსონალისთვის აცხადებს ევროკომისიის მიერ დაფინანსებული „ერაზმუს+“-ის გაცვლითი პროგრამის კონკურსს ზალცბურგის უნივერსიტეტისთვის (ავსტრია) სოციალური და პოლიტიკური მეცნიერებების მიმართულებით ადმინისტრაციული მობილობის განსახორციელებლად ერთობლივი საბაკალავრო და სამაგისტრო პროგრამების შედგენის საკითხებზე.