კონკურსები

კომუნიკაციების კომისიამ და მედიააკადემიამ გამოაცხადეს მედიაწიგნიერების კონკურსი- „ნამდვილი თუ მოგონილი?!“ ბაკალავრიატის სტუდენტებისთვის. კონკურსი, რომლის მიზანიც მედიაწიგნიერების, ლოგიკური და კრიტიკული აზროვნების, ანალიზისა და ფაქტების გადამოწმების უნარ-ჩვევების განვითარებაა, სტუდენტებისთვის პირველად ტარდება. მასში მონაწილეობის მიღება, 12 ოქტომბრიდან 12 ნოემბრის ჩათვლით, ბაკალავრიატის ყველა სტუდენტს შეუძლია. კონკურსის ფარგლებში, სტუდენტებმა უნდა აღმოაჩინონ ქართულ მედიასივრცეში, მათ შორის ინტერნეტში, ტელევიზიასა და ბეჭდურ მედიაში გავრცელებული ყალბი ინფორმაცია (“Fake News”), რომელიც ეხება საქართველოში მომხდარ ამბავს და ჯერ არ ყოფილა დადასტურებული, როგორც ყალბი ინფორმაცია. სტუდენტებმა უნდა წარმოადგინონ აღმოჩენის გზა, შესაბამისი წყარო და პარალელურად, დაადგინონ რეალური ფაქტები. კომუნიკაციების კომისიისგან გამარჯვებულებს ულტრათანამედროვე პრიზები გადაეცემათ. პირველი ადგილის მფლობელი საჩუქრად iPhone 12 Pro-ს მიიღებს, მეორე ადგილის მფლობელს -New iPad Pro 2020, ხოლო მესამე ადგილზე გასულ სტუდენტს Beats Studio 3-ის თანამედროვე უსადენო ყურსასმენი გადაეცემა.

მწერალთა სახლი საქართველოს განათლების, მეცნიერების, კულტურისა და სპორტის სამინისტროსთან ერთად, აცხადებს მოთხრობების კონკურსს „ო, კაპიტანო! ჩემო კაპიტანო! იწყება მკვლევართა თავგადასავალი“. მოთხრობების კონკურსის მიზანია ახალგაზრდა ავტორების წახალისება; მათი კვლევის და ექსტრაპოლაციის და წერის უნარების განვითარების ხელშეწყობა; ევროპული და მსოფლიო სამეცნიერო-ტექნოლოგიური გამოგონებების შესახებ ცნობადობის ამაღლება.

გერმანული აკადემიური გაცვლის სამსახური 2021-2022 სასწავლო წლისათვის აცხადებს კონკურსს სასტიპენდიო პროგრამებზე. კონკურსში მონაწილეობის მიღება შეუძლიათ ბათუმის შოთა რუსთველის სახელმწიფო უნივერსიტეტის სამივე საფეხურის საგანმანათლებლო პროგრამების სტუდენტებს, მკვლევარებსა და პროფესორ-მასწავლებლებს. ინფორმაცია DAAD-ის სასტიპენდიო პროგრამებსა და საკონკურსო პირობებზე იხილეთ დანართსა და გერმანული აკადემიური გაცვლის სამსახური მისამართზე.

„ერაზმუს+“-ის გაცვლითი პროგრამის ფარგლებში ვალენსიის ტექნოლოგიურ უნივერსიტეტში სწავლის მსურველი რეგისტრირებული სტუდენტების ტესტირება და გასაუბრება ინგლისურ ენაში ჩატარდება 2020 წლის 29 სექტემბერს (35-ე აუდიტორია, სტრატეგიული განვითარებისა და საგარეო ურთიერთობათა დეპარტამენტი).

გამოცხადდა კონკურსი ბათუმის შოთა რუსთაველის სახელმწიფო უნივერსიტეტის ადმინისტრაციული და აკადემიური პერსონალისთვის ევროკომისიის მიერ დაფინანსებული „ერაზმუს+“-ის ICM პროგრამის სტიპენდიების მოსაპოვებლად პორტოს უნივერსიტეტში (პორტუგალია). განაცხადების მიღება იწარმოებს მიმდინარე წლის 15 ოქტომბრამდე.