კონფერენციები

ხელნაწერთა ეროვნული ცენტრის, სოხუმის სახელმწიფო უნივერსიტეტისა და შოთა რუსთაველის ეროვნული სამეცნიერო ფონდის ორგანიზებით გაიმართება მეორე საერთაშორისო საგაზაფხულო სკოლა „აფხაზეთი: შუა საუკუნეებიდან დღემდე (ისტორიულ-კულტუროლოგიური ასპექტები)“ . საგაზაფხულო სკოლაში მონაწილეობა შეუძლია იმ სტუდენტებსა და ახალგაზრდა მკვლევრებს (მაგისტრანტი, მაგისტრი, დოქტორანტი, დოქტორი), რომელთა ინტერესის სფეროს წარმოადგენს ქართველოლოგიური კვლევები, საქართველოს, განსაკუთრებით კი ფხაზეთის ავტონომიური რესპუბლიკის ისტორიისა და კულტურის კვლევა.

2022 წლის 7-11 თებერვალს, ქალაქ ჰავანაში გაიმართება უმაღლესი განათლების მე-13 საერთაშორისო კონგრესი - „Congreso Internacional Universidad 2022“. წლევანდელი ღონისძიების მოწოდებაა „უნივერსიტეტი და ინოვაცია მდგრადი და ინკლუზიური განვითარებისთვის“. ზოგადად კონგრესის მოწოდებები ეხმიანება გაერო-ს „მდგრადი განვითარებისთვის 2030 დღის წესრიგის“ მიზნებს. 2022 წელს კონგრესი პირველად ჩატარდება ჰიბრიდულ ფორმატში. პანდემიის გამო, ღონისძიებების ნაწილზე დასწრება ონლაინ ფორმატში იქნება შესაძლებელი, ნაწილი კი სხდომათა სასახლეში (Palacio de las Convenciones) გაიმართება.

ბათუმის შოთა რუსთაველის სახელმწიფო უნივერსიტეტში საერთაშორისო სამეცნიერო კონფერენცია „ბიონანოაგენტების კვლევის თანამედროვე მეთოდები“ გაიმართება. საერთაშორისო სესიის მიზანია საქართველოში გრძელვადიანი ინოვაციური პოტენციალის გაუმჯობესება და მათი პოპულარიზაცია. კონფერენცია ხელს შეუწყობს ინტერდისციპლინარულ თანამშრომლობას (ბიო – სამედიცინო და ბიოფიზიკა, ფიზიკური კვლევა, ინფორმაციული ტექნოლოგია და სისტემები), ასევე კვლევისა და ინოვაციური პროდუქტების, ცოდნისა და იდეების გაცვლას ბაზრიდან კვლევამდე და პირიქით. სამდღიან სესიაში მონაწილეობას ღებულობენ საქართველოსა და უცხოეთის უმაღლესი საგანმანათლებო დაწესებულებებისა პროფესორ-მასწავლებლები და მკვლევრები.

2022 წლის 23 აპრილს, ბათუმის შოთა რუსთაველის სახელმწიფო უნივერსიტეტის ჰუმანიტარულ მეცნიერებათა ფაკულტეტისა და აღმოსავლეთმცოდნეობის დეპარტამენტის ორგანიზებით, გაიმართება მოსწავლეთა მეხუთე სამეცნიერო ვიდეოკონფერენცია თემაზე: „ახლო აღმოსავლეთი და საქართველო“. მოხსენებები წარმოდგენილი იქნება შემდეგი მიმართულებით: ახლო აღმოსავლეთისა და საქართველოს ისტორიული, ეთნოგრაფიული, არქეოლოგიური, კულტურული, ენობრივი, ლიტერატურული ურთიერთობების შესახებ. მონაწილეები დაჯილდოვდებიან მადლობის სიგელითა და სერტიფიკატით.

ევროპის უნივერსიტეტისა და ქუთაისისის უნივერსიტეტის ორგანიზებით, 2021 წლის 15 დეკემბერს გაიმართება პირველი საერთაშორისო კონფერენცია I საერთაშორისო კონფერენცია „განათლება, ტექნოლოგია და ინოვაცია“ (ICETI2021). ონლაინ კონფერენციის მიზანია განათლების მკვლევარების, ექსპერტებისა და პროფესიონალებისთვის აკადემიური პლატფორმის შეთვაზება, სადაც ისინი განიხილავენ განათლების სფეროში არსებულ გამოწვევებს და ერთმანეთს გაუზიარებენ ცოდნასა და გამოცდილებას.