ანონსები

აბიტურიენტთა საყურადღებოდ! ბათუმის შოთა რუსთველის სახელმწიფო უნივერისტეტი 15 თებერვლიდან 26 თებერვლის ჩათვლით ფაკულტეტების მიხედვით ბსუ-ს ოფიციალურ ფეისბუქ გვერდზე გამართავს ონლაინ ღია კარის დღეებს აბიტურიენტებისთვის. ფაკულტეტების დეკანები აბიტურიენტებს გააცნობენ საგანმანთლებლო პროგრამებს, სტუდენტურ სერვისებს, გაცვლით პროგრამებს, სტიპენდიებსა და უნივერსიტეტში სწავლის პირობებს. პირდაპირი ჩართვისას აბიტურიენტებს შეუძლიათ დასვან შეკითხვები და ფაკულტეტის დეკანებისგან მიიღონ საჭირო ინფორმაცია.

17 დეკემბერს, 14:00 საათზე, საერთაშორისო ახალგაზრდული ორგანიზაცია „აისეკი“ ბათუმის შოთა რუსთაველის სახელმწიფო უნივერსიტეტის სტუდენტებისთვის საინფორმაციო შეხვედრას გამართავს. შეხვედრაზე განხილული იქნება აისეკის გაცვლითი პროგრამები და შესაძლებლობები, რომელსაც ახალგაზრდებს ორგანიზაცია სთავაზობს. შეხვედრა ჩატარდება ონლაინ, ზუმის პლათფორმაზე. დასწრების ბმული დარეგისტრირებულ სტუდენტებს გაეგზავნებათ ელექტრონულ ფოსტაზე. სარეგისტრაციო ბმული: https://forms.gle/n4A7JFqZUnNCLMnW8

9-10 დეკემბერს, 16:00 საათზე DAAD-ის ცენტრალური ოფისის ორგანიზებით, გაიმართება ონლაინ საინფორმაციო შეხვედრა "Study and Career". ათი უმაღლესი სასწავლებლის წარმომადგენელი გერმანიაში სწავლის გაგრძელებით დაინტერესებულ სტუდენტებს თავიანთ პროგრამებს გააცნობენ და შეკითხვებს უპასუხებენ.

5 ნოემბერს, 17:00 საათზე, ERASMUS+ პროექტის "MEDIATS: Training and Society Transformation" ფარგლებში ილიას სახელმწიფო უნივერსიტეტის სამართლის სკოლისა და ბათუმის შოთა რუსთაველის სახელმწიფო უნივერსიტეტის ორგანიზებით სტუდენტებისა და მედიაციის ინსტიტუტით დაინტერესებული ნებისმიერი პირისთვის გაიმართება საჯარო ლექცია თემაზე: „მედიაცია – დავის გადაწყვეტის ალტერნატიული მექანიზმი საქართველოში". ლექციას გაუძღვებიან საქართველოს მედიატორთა ასოციაციის თავმჯდომარე, მედიატორი ირაკლი ყანდაშვილი და Centre for Effective Dispute Resolution (CEDR)-ის მიერ საერთაშორისო აკრედიტირებული მედიატორი ლაშა კალანდაძე.

16 ნოემბერს, 12:00 საათზე, ბათუმის შოთა რუსთაველის სახელმწიფო უნივერსიტეტში ტოლერანტობის საერთაშორისო დღისადმი მიძღვნილი ფოტო-ნახატების გამოფენა „ჩემი თვალით დანახული ტოლერანტობა“ გაიმართება. ღონისძიება ევრო საბჭოს, ანტი-დისკრიმინაციული დეპარტამენტის DG-II-ის პროექტის „დისკრიმინაციის, სიძულვილით მოტივირებული დანაშაულისა და სიძულვილის ენის წინააღმდეგ ბრძოლა საქართველოში“ ხელშეწყობით, კამპანიის „მე ვირჩევ თანასწორობას“ ფარგლებში ბსუ-ს ზუსტ მეცნიერებათა და განათლების ფაკულტეტის ორგანიზებით ჩატარდება.