ანონსები

30 აპრილს, 12:30 საათზე, ბათუმის შოთა რუსთაველის სახელმწიფო უნივერსიტეტის საკონფერენციო დარბაზში (55-ე აუდიტორია) "საზოგადოებრივი განვითარების აკადემიის" წარმომადგენლები გამართავენ შეხვედრას სტუდენტებთან, პროფესორ-მასწავლებლებთან და საზოგადოების სხვა დაინტერესებულ ჯგუფებთან.

„Carnegie Research Fellowship Program“-ის ფარგლებში, საერთაშორისო განათლების ამერიკული საბჭოების საქართველოს ოფისის - დასავლეთ NIS-ის და სამხრეთ კავკასიის პროგრამების მენეჯერი ალექსეი ხარლამოვი გამართავს საინფორმაციო შეხვედრას კარნეგის გაცვლით პროგრამის შესახებ უნივერსიტეტის სტუდენტებისა და პროფესორ-მასწავლებელთათვის. პროგრამა ითვალისწინებს 4-თვიანი კვლევითი პროექტების დაფინანსებას სოციალურ და ჰუმანიტარულ მეცნიერებათა მიმართულებით. წარმატებული აპლიკანტები სტიპენდიას 2015-2016 სასწავლო წლისთვის მიიღებენ და კვლევებს აშშ-ს პრესტიჟულ სასწავლებლებში აწარმოებენ. შეხვედრა გაიმართება 17 აპრილს 55 აუდიტორიაში, 15:00 საათზე.

პარასკევს, 27 თებერვალს, 13:00 საათზე, 59-ე აუდიტორიაში, პოეტი დავით მაღრაძე სტუდენტებსა და პროფესორ-მასწავლებლებს შეხვდება და გამართავს საკუთარი ლექსების კრებულის ,,ექო“ პრეზენტაციას. წარდგინების დასასრულს პოეტი და პუბლიცისტი შეკრებილი საზოგადოების შეკითხვებს უპასუხებს.