საერთაშორისო სამეცნიერო კონფერენცია „ინტერდისციპლინარული კვლევების ახალი ჰორიზონტები“

ბათუმის შოთა რუსთაველის სახელმწიფო უნივერსიტეტის ჰუმანიტარულ მეცნიერებათა ფაკულტეტი და საქართველოს მეცნიერებათა ეროვნული აკადემიის აჭარის ავტონომიური რესპუბლიკის რეგიონული სამეცნიერო ცენტრი ევროკავშირის საგრანტო პროექტის KEAC-BSR მხარდაჭერით (MSC Horizont 2020), 2023 წლის 23-24 ივნისს ქალაქ ბათუმში, ატარებს საერთაშორისო სამეცნიერო კონფერენციას თემაზე: „ინტერდისციპლინარული კვლევების ახალი ჰორიზონტები“, რომელიც ეძღვნება პროფესორის დავით გოცირიძის 70-წლისთავს.

კონფერენციაზე იმუშავებს შემდეგი სექციები:

1) ლინგვისტიკის ახალი ჰორიზონტები;

2) თარგმანი და კულტურათაშორისი კომუნიკაცია;

3) ლიტერატურული თეორია და კომპარატივისტიკა;

4) 21-ე საუკუნის ფილოსოფიური აზროვნება;

5) ეთნოსი - საზოგადოება - ისტორია - თანამედროვე გამოწვევები.

კონფერენციაში მონაწილეობის სურვილის შემთხვევაში, გთხოვთ, გაიაროთ  ელექტრონული რეგისტრაცია (https://docs.google.com/forms/d/e/1FAIpQLSfYXyz5kvuilbook_PakgicpX8LdtM1RdLq_ghuUgbiy8R72Q/viewfor)  ან მითითებულ ელ. ფოსტაზე გადმოგვიგზავნოთ თანდართული განაცხადის ფორმა და მოხსენების მოკლე ანოტაცია 2023 წლის 10 ივნისამდე.     ელფოსტა: newhorizons@bsu.edu.ge

კონფერენციაში მონაწილეობა შესაძლებელია ონლაინ რეჟიმშიც, მაგრამ გთხოვთ გაითვალისწინოთ, რომ მონაწილეების რაოდენობა შეზღუდულია.

მოთხოვნები ანოტაციის გაფორმებისთვის: მაქსიმუმ 200 სიტყვა, შრიფტი - Sylfaen, ზომა - 12, ინტერვალი - 1,5.

კონფერენციის მასალები (მონაწილეების სტატიები) დაიბეჭდება საქართველოს მეცნიერებათა ეროვნული აკადემიის აჭარის ავტონომიური რესპუბლიკის რეგიონალური სამეცნიერო ცენტრის შრომების საიუბილეო ნომერში და განთავსდება საქართველოს მეცნიერებათა ეროვნული აკადემიის ვებგვერდზე http://science.org.ge/?page_id=2534

კონფერენციის სამუშაო ენებია: ქართული და  ინგლისური

კონფერენციაში მონაწილეობა უფასოა (საორგანიზაციო შესატანი, კონფერენციის პროგრამა, სტატიების კრებული), ტრანსპორტირებისა და გაჩერების ხარჯებს ფარავს თავად აპლიკანტი.

  რეგისტრაციის ფორმა