ბათუმის შოთა რუსთაველის სახელმწიფო უნივერსიტეტის რექტორმა მერაბ ხალვაშმა აკადემიური საბჭოს წევრებსა და უნივერსიტეტის ადმინისტრაციის წარმომადგენლებს 2017 წელს გაწეული მუშაობის ანგარიში წარუდგინა. რექტორმა აღნიშნა, რომ საანგარიშო პერიოდში საქმიანობა ძირითადად წარიმართა ბსუ-ს სტრატეგიული განვითარების და რექტორის სამოქმედო გეგმების შესაბამისად, შემდეგი მიმართულებებით: სასწავლო პროცესიის სრულყოფა, სწავლა-სწავლების ხარისხის ამაღლება, სამეცნიერო-კვლევითი მუშაობისათვის ხელშეწყობა, ინტერნაციონალიზაცია, სტუდენტთა მომსახურების გაუმჯობესება, ავტორიზაციისა და აკრედიტაციის პროცესებისათვის მზადება, უნივერსიტეტის მატერიალურ-ტექნიკური ბაზის გაუმჯობესება, სოციალური პროექტები და სხვა აქტივობები. ასევე, ყურადღება გაამახვილა მნიშვნელოვან საუნივერსიტეტო აქტებსა და ღონისძიებებზე. დეტალურად განიხილა ყველა ის მიღწევა და წარმატებული პროექტი, რომელიც უნივერსიტეტმა 2017 წელს განახორციელა.
| უკან |
