ბათუმის შოთა რუსთაველის სახელმწიფო უნივერსიტეტის ნიკო ბერძენიშვილის ინსტიტუტში გაიმართა შოთა რუსთაველის ეროვნული სამეცნიერო ფონდის მიერ დაფინანსებული პროექტის - „პეტრა-ციხისძირის ნუმიზმატიკური საგანძურის (FR24-15118)” პირველ საანგარიშო პერიოდში ჩატარებული კვლევის შედეგების პრეზენტაცია.
შეხვედრაზე განსაკუთრებული ყურადღება გამახვილდა კოლხური თეთრის ლაბორატორიული კვლევის შედეგებზე, მათ შორის იმაზე, რომ პროექტის ფარგლებში პირველად განხორციელდა კოლხური ნახევარდრაქმების რენტგენული ფლუორესცენციის მეთოდით (XRF - X-Ray Fluorescence) შესწავლა, რითაც საფუძველი ჩაეყარა ადგილობრივი მონეტების სინჯადობის ბაზის შექმნას.
პრეზენტაცია წარადგინეს პროექტის მონაწილეებმა: ბათუმის შოთა რუსთაველის სახელმწიფო უნივერსიტეტის ნიკო ბერძენიშვილის ინსტიტუტის ისტორიისა და არქეოლოგიის განყოფილების მეცნიერებმა: ირინე ვარშალომიძემ, ნინო ინაიშვილმა და აჭარის მუზეუმის მეცნიერ-მუშაკმა ნინო ძნელაძემ.
| უკან |
