ნიკო ბერძენიშვილის ინსტიტუტი

ფოლკლორის, დიალექტოლოგიის და ემიგრანტული ლიტერატურის კვლევის განყოფილება

ფოლკლორის განყოფილება 1969 წელს შეიქმნა, სადაც მეცნიერები ზეპირსიტყვიერ შემოქმედებასთან ერთად პარალელურად იკვლევენ  დიალექტოლოგიის აქტუალურ საკითხებს.

წლების განმავლობაში განყოფილებაში მუშაობდნენ: ჯემალ ნოღაიდელი, მიხეილ ჩიქოვანი, ასლან ინაიშვილი, ჯემალ ჩხეიძე, ალექსანდრე მსხალაძე, ნელი ცქიტიშვილი, აზიზ ახვლედიანი, ზურაბ თანდილავა, ჯემალ ჯაყელი, ემენ დავითაძე, იური ბიბილეიშვილი, შოთა ზოიძე, მიხეილ ქამადაძე, თინა შიოშვილი და სხვ.

ფოლკლორისა და ლინგვისტიკის განყოფილებამ მნიშვნელოვანი წვლილი შეიტანა სამხრეთ–დასავლეთ საქართველოს ზეპირსიტყვიერებისა და აჭარული დიალექტის შესწავლის საქმეში. განყოფილების არსებობის მანძილზე  სამ ათეულზე მეტი ფოლკლორულ–დიალექტოლოგიური ექსპედიცია ჩატარდა მთელი საქართველოს მასშტაბით, რომლის შედეგად შეიქმნა ინსტიტუტის ფოლკლორულ–დიალექტოლოგიურ ხელნაწერთა ფონდები. რომელთა მეცნიერული ღირებულება ფასდაუდებელია ქართული ზეპირსიტყვიერი შემოქმედების, ხალხური მუსიკალური კულტურისა და დიალექტოლოგიური კვლევა–ძიების საქმეში. 1958–1966 წლებში 15–მდე ექსპედიცია მოეწყო მუსიკალურ–ფოლკლორული მასალების შესაკრებად, რასაც სპეციალური მონოგრაფია მიეძღვნა.

ფოლკლორის განყოფილება გამოსცემდა ორთემატურ კრებულს: “სამხრეთ–დასავლეთ საქართველოს ზეპირსიტყვიერება” და “აჭარული დიალექტის დარგობრივი ლექსიკა”. განყოფილების თანამშრომლებმა სულ გამოქვეყნეს ორმოცდაათამდე მონოგრაფია, მრავალი კრებული და სტატია, რომლებშიც შესწავლილია სამხრეთ–დასავლეთ საქართველოს ფოლკლორის, აჭარული დიალექტისა და ონომასტიკის აქტუალური საკითხები.

2014  წლიდან ფოლკლორის განყოფილებას დაემატა ემიგრანტული ლიტერატურის კვლევა, სადაც შეისწავლება ემიგრანტი მწერლების, პოეტებისა და სოციოლოგების ნაშრომები.

ამჟამად ფოლკლორის, დიალექტოლოგიისა და ემიგრანტული ლიტერატურის კვლევის განყოფილება გამოსცემს ორ თემატურ კრებულს: „აჭარული საუნჯე“ და „გამონათლევი“. კრებული „გამონათლევის“ პირველი ტომი გამოიცა 2014 წელს. იგი მიეძღვნა საქართველოს კათოლიკოს პატრიარქის იუბილეს და რესპუბლიკაში სათანადო აღიარება მოიპოვა. 


უკან

საკონტაქტო ინფორმაცია

საქართველო, ბათუმი, 6010
ნინოშვილის/რუსთაველის ქ. 35/32
ტელ: +995(422) 27–17–80
ფაქსი: +995(422) 27–17–87
ელ. ფოსტა: info@bsu.edu.ge
     

სიახლის გამოწერა