ინსტიტუტს მახინჯაურის საჯარო სკოლის მოსწავლეები ეწვივნენ
16 აპრილი 2024 წელი
ბსუ-ს აგრარული და მემბრანული ტექნოლოგიების ინსტიტუტს პროექტის „ჯანსაღ გარემოს არ აქვს ალტერნატივა’’ ფარგლებში, მახინჯაურის საჯარო სკოლის მოსწავლეები, სკოლის დირექტორი რუსუდან დავითაძე და ქიმიის პედაგოგი თალიკო ჯაყელი ეწვივნენ. ჯანსაღ, ეკოლოგიურად სუფთა გარემოს მნიშვნელობაზე, ეკოლოგიური მდგომარეობის კონტროლის, კერძოდ, ზედაპირული წყლების დაბინძურების დონის დადგენის, მათი ორგანოლეპტიკური, ქიმიური და მიკრობიოლოგიური ანალიზის საკითხებსა და დაბინძურებული წყლების გაწმენდის მეთოდებზე სტუმრებს ესაუბრნენ მეცნიერ თანამშრომლები: ნინო კიკნაძე, ნინო მხეიძე, ნინო სეიდიშვილი, რაულ გოცირიძე; უფროსი ქიმიკოსი ნინო ხარაზი და მიკრობიოლოგი ქეთევან ჯიბლაძე.