ტემპუსის საგრანტო პროექტის ”Promoting Internationalization of HEIs in Eastern Neighbourhood Countries through Cultural and Structural Adaptations (PICASA)“ ეგიდით ქალაქ გრაცში ავსტრიის მსოფლიო უნივერსიტეტების სერვისში (WUS Austria) სამდღიანი ტრენინგი გაიმართა თემაზე: „უმაღლესი საგანმანათლებლო დაწესებულებების ინტერნაციონალიზაციის ხელშეწყობა და საგარეო ურთიერთობა სამსახურის როლი უმაღლეს დაწესებულებებში“. ტრენინგს ესწრებოდა პროექტის კოორდინატორი სოციალურ მეცნიერებათა, ბიზნესისა და სამართალმცოდნეობის ფაკულტეტის ასისტენტ პროფესორი ლილით მელოიან-ფუტკარაძე და საგარეო ურთიერთობათა დეპარტამენტის მთავარი სპეციალისტი თამარ მაჭუტაძე

28 მაისს სოციალურ მეცნიერებათა, ბიზნესისა და სამართალმცოდნეობის ფაკულტეტის საერთაშორისო ურთიერთობებისა და ევროპისმცოდნეობის მიმართულების სტუდენტებისათვის ჩატარდა გასაუბრება ინგლისურ ენაში ათათურქის უნივერსიტეტის საზაფხულო სკოლაში "Bridging Cultures" (29.06-12.07) მონაწილეობის მიზნით.

24 მაისს ჩატარდა შესარჩევი ტესტირება ინგლისურ ენაში სოციალურ მეცნიერებათა, ბიზნესისა და სამართალმცოდნეობის ფაკულტეტის სტუდენტებისათვის ტეხასის უნივერსიტეტის ერევნის ფილიალის აგრობიზნესის სასწავლო და კვლევითი საერთაშორისო ცენტრში (ICARE) სწავლისათვის.

თურქეთის რიზეს დოკუზ ეილულის უნივერსიტეტი გთავაზობთ ენის შემსწავლელ კურსებს 2014 წლის 1-29 აგვისტო.

თურქეთის მთავრობა გამოყოფს სტიპენდიას უცხო ქვეყნის მოქალაქეებისათვის. განაცხადის შეტანის ბოლო ვადაა 2014 წლის 19 მაისი.

ტალინის უნივერსიტეტი უცხო ქვეყნის სტუდენტებს იწვევს მე-9 საერთაშორისო „ტალინის საზაფხულო სკოლა 2014“-ში მონაწილეობის მისაღებად, რომელიც გაიმართება მიმდინარე წლის 14 ივლისიდან 31 ივლისის ჩათვლით. მონაწილეობის მსურველების რეგისტრაციის ბოლო ვადაა 15 მაისი. საზაფხულო სკოლა მოიცავს 23 განსხვავებული პროგრამის კურსს მეცნიერების სხვადასხვა სფეროდან. დამატებითი კითხვებისთვის შეგიძლიათ დაუკავშირდეთ ელ. ფოსტაზე: tss@tlu.ee

საუნივერსიტეტო კვლევის პროგრამის „სამეცნიერო და წერითი უნარ-ჩვევების გაუმჯობესება საქართველოს ახალგაზრდა აკადემიური პერსონალისათვის“ ფარგლებში ბათუმის შოთა რუსთაველის სახელმწიფო უნივერსიტეტში ხუთდღიანი ტრენინგი ჩატარდა. ნიუ-იორკის სახელმწიფო უნივერსიტეტის (State University of New Yourk) პროფესორებმა უმაღლესი საგანმანათლებლო დაწესებულების ახალგაზრდა მკვლევარებსა და დოქტორანტებს სტატისტიკური ანალიზისა და ხარისხობრივი კვლევების მეთოდები, სამეცნიერო კვლევების გამოყენება საჯარო პოლიტიკის შემუშავებაში, აღწერილობითი და ინფერენციული სტატისტიკა, ბივარიაციულ ანალიზი და ეკონომიკური შეფასების მეთოდები გააცნეს. სწავლება არასამთავრობო ორგანიზაცია „ჯანმრთელობის კვლევის კავშირმა “(Health research Union) აშშ-ის საელჩოს მხარდაჭერით გაიმართა.

MEVLANA Exchange Program-ის ფარგლებში ტურიზმის, სოციალურ მეცნიერებათა, ბიზნესისა და სამართალმცოდნეობის, საბუნებისმეტყველო და ჯანდაცვის ფაკულტეტების სტუდენტებს ჩაუტარდათ ტესტირება ინგლისურ ენაში. საუკეთესო შედეგების მქონე სტუდენტები ისარგებლებენ სტიპენდიით, რაც ითვალისწინებს თურქეთის წამყვან უნივერსიტეტებში სწავლას 1 ან 2 სემესტრის განმავლობაში