„მე ვარ მარიკა ქათამაძე, ვცხოვრობ შუახევის რაიონ სოფელ ჭვანაში და ვამთავრებ ამავე სოფლის საჯარო სკოლას. ვიმედოვნებ, რომ სამომავლოდ ვიქნები ინგლისური ფილოლოგიის კურსდამთავრებული.

მე ვარ დიანა ქამადაძე, 17 წლის. ვსწავლობ ლევან ბერიძის სახელობის შუახევის მუნიციპალიტეტის სოფელ ფურტიოს საჯარო სკოლის მეთორმეტე კლასში. აქტიურად ვარ ჩართული, როგორც სასკოლო, ისე არაფორმალურ აქტივობებში. ვმონაწილეობ როგორც საგანმანათლებლო ოლიმპიადებში, ასევე სპორტულ შეჯიბრებებში.

მე ვარ ირაკლი ამაღლობელი, შუახევის რაიონის სოფელ ჭვანის საჯარო სკოლის მე-12 კლასის მოსწავლე.
ჩემი აზრით, სკოლა ცხოვრების ერთ-ერთი უმნიშვნელოვანესი პერიოდია, რომლის დროსაც საფუძველი ეყრება სამომავლოდ წარმატებულ ცხოვრებას. ვარ წარჩინებული მოსწავლე, რაც გამოიხატება ჩემი მიღწევებით, მიღებული დიპლომებით, სერტიფიკატებით, სიგელებით. საბაზო საფეხურის წარჩინებით დასრულების შემდეგ, ავიღე კომპიუტერი. სკოლაში ასევე არასამთავრობო ორგანიზაციების დახმარებით მივიღე არაფორმალური განათლება, რის საშუალებითაც ბევრი მნიშვნელოვანი საკითხი სიღრმისეულად შევისწავლე.

“მე ვარ რებეკა დავითაძე, 17 წლის, აბიტურიენტი. ვსწავლობ ქ. ბათუმის №15 საჯარო სკოლაში, ვარ ოქროსმედალოსანი.

„მე ვარ გვანცა მახაჭაძე, 18 წლის, აბიტურიენტი. ვარ მიზანდასახული, კომუნიკაბელური და პირდაპირი. მჩვევია მომავლის დაგეგმვა და წარმატებული მომავლისათვის გააზრებული ნაბიჯების გადადგმა. მაინტერესებს საერთაშორისო სამართალი და ადამიანის ფსიქოლოგია.“