ბათუმის შოთა რუსთაველის სახელმწიფო უნივერსიტეტის იურიდიულ ფაკულტეტის მოწვეულმა მასწავლებლებმა ლინდა შალამბერიძე-ვერძაძემ და ცირა კომახიძემ საჯარო ლექცია ჩაატარეს თემაზე: „მედიაციის არსი და განვითარების პერსპექტივები ქართულ სამართალში”. ლექციას დავის ალტერნატიული გადაწყვეტის ეროვნული ცენტრის დირექტორი ირაკლი ბურდული და ამავე ცენტრის აღმასრულებელი დირექტორი, სამართლის დოქტორი, თსუ-ის იურიდიული ფაკულტეტის ასოცირებული პროფესორის ნათია ჩიტაშვილი ესწრებოდნენ.

ბათუმის შოთ რუსთაველის სახელმწიფო უნივერსიტეტის რექტორმა მერაბ ხალვაშმა და ივანე ჯავახიშვილის სახელობის თბილისის სახელმწიფო უნივერსიტეტის დავის ალტერნატიული გადაწყვეტის ეროვნული ცენტრის ხელმძღვანელმა ირაკლი ბურდულმა თანამშრომლობის მემორანდუმს მოაწერეს ხელი. ხელშეკრულება ითვალისწინებს დავის გადაწყვეტის ალტერნატიული საშუალების - მედიაციის განვითარების ხელშეწყობასა და ინსტიტუციონალიზაციას როგორც სახელმწიფოებრივ, ისე აკადემიურ, საუნივერსიტეტო სივრცეში. მემორანდუმის ფარგლებში, დაიგეგმა ბსუ-ში მედიაციის კურსის დანერგვა, მედიაციაში წარმომადგენლობის ეროვნულ კონკურსში სტუდენტური გუნდების მონაწილეობის მხარდაჭერა და მედიაციის თეორიულ და პრაქტიკულ საკითხებში ინსტიტუციური გამოცდილების გაზიარება.

ბათუმის შოთა რუსთაველის სახელმწიფო უნივერსიტეტის იურიდიული ფაკულტეტის იურიდიული კლინიკის ორგანიზებით ასისტენტ პროფესორმა კახა ფალავანდიშვილმა საჯარო ლექცია ჩაატარა თემაზე: „მორალური ზიანის ანაზღაურების პრობლემები სამოქალაქო სამართალში“. მომხსენებელმა მომავალ სამართალმცოდნეებს ეროვნული და უცხო ქვეყნების კანონმდებლობა გააცნო. ასისტენტ პროფესორმა კახა ფალავანდიშვილმა ასევე განიხილა საქართველოს, სტრასბურგის სასამართლო პრაქტიკა და მიღებული სამართლებრივი შედეგები.

საქართველოს ახალგაზრდა იურისტთა ასოციაციის აჭარის ფილიალის წარმომადგენლებმა ბათუმის შოთა რუსთაველის სახელმწიფო უნივერსიტეტის სტუდენტებს სამთავრობო ელექტრონული პეტიციების პორტალი (ichange.gov.ge) წარუდგინეს. ichange.gov.ge მოქალაქეთა ელექტრონული პეტიციების ოფიციალური სამთავრობო პლატფორმაა, რომელსაც საქართველოს მთავრობის ადმინისტრაცია ღია მმართველობის პარტნიორობის (OGP) მეორე სამოქმედო გეგმის მიხედვით ახორციელებს. პორტალის დახმარებით საქართველოს ნებისმიერ სრულწლოვან მოქალაქეს შეუძლია პეტიციის საშუალებით საქართველოს მთავრობის ყურადღება გაამახვილოს მისთვის მნიშვნელოვან საკითხზე. შესაბამისი კრიტერიუმების დაკმაყოფილების შემთხვევაში, საქართველოს მთავრობა ვალდებულია, განიხილოს პეტიციაში აღწერილი საკითხი და მოახდინოს რეაგირება.

საჯარო სამართლის იურიდიული პირის - ბათუმის შოთა რუსთაველის სახელმწიფო უნივერსიტეტის იურიდიული ფაკულტეტის საბჭო ბაკალავრიატისა და მაგისტრატურის საგანმანათლებლო პროგრამების სტუდენტთათვის სახელობითი სტიპენდიების მოსაპოვებლად აცხადებს კონკურსს