ბათუმის შოთა რუსთაველის სახელმწიფო უნივერსიტეტის იურიდიულ ფაკულტეტის იურიდიული კლინიკის მსმენელთათვის 1, 2 და 17 ივლისს ლექციების ციკლი გაიმართა.  პრაქტიკოსი იურისტი დავით კეკენაძე სტუდენტებს საოჯახო სამართლის პრობლემებზე ესაუბრა, აჭარის ავტონომიური რესპუბლიკის მთავრობის იურიდიული დეპარტამენტის უფროსი დავით გაბაიძე - ადმინისტრაციული სამართლის საკითხებზე. ადამიანის უფლებათა უმაღლესი კომისრის ოფისის წარმომადგენელმა ბესარიონ ბოხაშვილმა საჯარო ლექციაზე ადამიანის უფლებები და თავისუფლებები განიხილა  სტრასბურგის სასამართლოს პრაქტიკის ჭრილში.