12 სექტემბერს, 13:00 საათზე, ბათუმის შოთა რუსთაველის სახელმწიფო უნივერსიტეტში (აუდიტორია 328) საზაფხულო უნივერსიტეტი გაიხსნება თემაზე: „საერთაშორისო უსაფრთხოება და ბირთვული გაუვრცელებლობა: თეორიები, დისკურსიები და მიმდინარე პროცესები“. სწავლება მიზნად ისახავს პროფესორ-მასწავლებლების, სტუდენტების, საჯარო და სამოქალაქო სექტორის წარმომადგნლების კომპეტენციის ამაღლებას საერთაშორისო უსაფრთხოებისა და ბირთვული გაუვრცელებლობის, უსაფრთხოების სექტორის დემოკრატიული ზედამხედველობის განხორციელების მექანიზმების საკითხებში. საზაფხულო უნივერსიტეტი ხელს შეუწყობს რეგიონში სფეროს სპეციალისტების ქსელის ჩამოყალიბებასა და განვითარებას.

ბათუმის შოთა რუსთაველის სახელმწიფო უნივერსიტეტი აცხადებს მიღებას მოკლევადიან საგანმანათლებლო პროგრამაზე „ჯანმრთელობის ფსიქოლოგიაში“. პროგრამაზე მიიღებიან უმაღლესი განათლების მქონე პირები (ფსიქოლოგიური, სამედიცინო, დაწყებითი განათლებისა და სკოლამდელი აღზრდისა და პედაგოგიკა-ფსიქოლოგიის სპეციალობების კურსდამთავრებულები).

ბათუმის შოთა რუსთაველის სახელმწიფო უნივერსიტეტი აცხადებს მიღებას მოკლევადიან საგანმანათლებლო პროგრამაზე „სკოლამდელი ასაკის ბავშვის განვითარება და რეაბილიტაცია“. პროგრამაზე მიიღებიან უმაღლესი განათლების მქონე პირები (ფსიქოლოგიური, სამედიცინო, დაწყებითი განათლებისა და სკოლამდელი აღზრდისა და პედაგოგიკა-ფსიქოლოგიის სპეციალობების კურსდამთავრებულები, ასევე, საბავშვო ბაღში მომუშავე ფსიქოლოგები).