სოციალურ და პოლიტიკურ მეცნიერებათა ფაკულტეტის ორგანიზებით არასამთავრობო ორგანიზაციის „მრავალეროვანი საქართველო დემოკრატიული ღირებულებების განმტკიცებისათვის“ შეხვედრა გაიმართა ბათუმის შოთა რუსთაველის სახელმწიფო უნივერსიტეტის სტუდენტებთან. ორგანიზაცია ხუთი წელია საქართველოს მოსწავლე-ახალგაზრდების მონაწილეობით წარმატებით ახორციელებს საერთაშორისო პროექტებს ამერიკის შეერთებულ შტატებსა და ევროპაში. 2015 წლის აგვისტოში გაერთიანებული ერების ორგანიზაციაში განხორციელდება ღონისძიება - „ახალგაზრდული ასამბლეა გაეროში“. საქართველოდან წარდგენილი ახალგაზრდები, გაერო-ს სესიებზე დელეგატების სტატუსით მიიღებენ მონაწილეობას. ორგანიზაციის საქმიანობის ერთ-ერთი ძირითადი მიმართულებაა პერსპექტიული, ნიჭიერი, მიზანდასახული და შესაბამისი უნარის მქონე ახალგაზრდების საზოგადოებაში წარმოჩენა და ხელის შეწყობა.
საერთაშორისო პროექტში მონაწილეობა ახალგაზრდებს შესაძლებლობას აძლევს:
- გაიღრმავონ ცოდნა და შეიძინონ გამოცდილება საერთაშორისო ურთიერთობების საკითხებში;
- გაიუმჯობესონ მოლაპარაკებისა და საჯაროდ გამოსვლების უნარი;
- გაიცნონ გაერო-ს სტრუქტურა;
- გაიცნონ გაერო-ს მუშაობის მეთოდები და პრინციპები;
- მიიღონ პრაქტიკული გამოცდილება;
- გაიცნონ და დაამყარონ კონტაქტი გაერო-ს წევრი სახელმწიფოების ახალგაზრდა ლიდერებთან.
ძირითადი მოთხოვნებია: 15-დან - 21 წლამდე; 21-დან - 26 წლამდე; ინგლისური ენის ფლობა; საჯაროდ სიტყვით გამოსვლა და დისკუსიის წარმართვის უნარი; ანალიტიკური და კრიტიკული აზროვნება; გუნდურობა; განხორციელებული სამოქალაქო აქტივობები;
დამატებითი ინფორმაცია შეგიძლიათ იხილოთ
| უკან |
