ბათუმის შოთა რუსთაველის სახელმწიფო უნივერსიტეტს სამუშაო ვიზიტით ართვინის ჭოროხის უნივერსიტეტის დელეგაცია ეწვია. ვიზიტის მიზანი 1-3 სექტემბერს დაგეგმილი ერთობლივი სამეცნიერო სემინარის ჩატარება და მოსამზადებელი სამუშაოების გაცნობა იყო.
ართვინის ჭოროხის უნივერსიტეტის დელეგაციის წევრები: აიგულ ქილინჩი - ეკონომიკისა და ადმინისტრაციულ მეცნიერებათა ფაკულტეტის დეკანი, ალიჯან ქაფთი - საჯარო მმართველობისა და პოლიტიკურ მეცნიერება დეპარტამენტის ხელმძღვანელი, ომერ ლიმანდი-ეკონომიკური დეპარტამენტის დირექტორი, მურათ ბერბეროღლუ-ბიზნეს ადმინისტრირების დეპარტამენტის დირექტორი, საჯარო მმართველობისა და პოლიტიკურ მეცნიერებათა დეპარტამენტის მკვლევარ - ასისტენტები და თურქეთის გენერალური კონსულის მოადგილე ბათუმში საით ფაიქ გულშენი ეკონომიკისა და ბიზნესის ფაკულტეტისა და სოციალურ მეცნიერებათა ფაკულტეტის დეკანებს, დეპარტამენტის ხელმძღვანელებსა და ხარისხის უზრუნველყოფის სამსახურის უფროსებს შეხვდნენ.
შეხვედრაზე ერთობლივი ვორქშოფის თემა, მომხსენებელთა რაოდენობა და სხვა ტექნიკური დეტალები განიხილეს. სამეცნიერო სემინარი საჯარო პოლიტიკას შეეხება და შვიდი სექცია ორ უნივერსიტეტში ერთობლივად გაიმართება.
| უკან |
