ეროვნული თავდაცვის აკადემია იწვევს მსურველებს სამეცნიერო - პრაქტიკულ კონფერენციაზე „ფსიქოლოგიის და განათლების მეცნიერებათა აქტუალური საკითხები“. კონფერენცია გაიმართება მიმდინარე წლის 29 დეკემბერს, ონლაინ ფორმატში. კონფერენციაში მონაწილეობის მიღება შეუძლიათ დაინტერესებულ აკადემიურ პერსონალს, დოქტორანტებს, ახალგაზრდა მეცნიერებს და დარგის სპეციალისტებს. სამეცნიერო - პრაქტიკული კონფერენცია მიზნად ისახავს ფსიქოლოგიისა და განათლების მეცნიერებათა სფეროში თანამედროვე საკითხების განხილვას, მეცნიერებს შორის სამეცნიერო კავშირების სტიმულირებას, განხოციელებული კვლევების შედეგების შეკრებასა და გაზიარებას, ინტერდისციპლინური კვლევების ხელშეწყობას.

15-16 დეკემბერს კავკასიის უნივერსიტეტი უმასპინძლებს მეშვიდე წლიურ საერთაშორისო სამეცნიერო კონფერენციას. კონფერენციის მიზანია გააერთიანოს თანამედროვე სოციალურ-ეკონომიკურ და ტექნოლოგიურ გამოწვევებისადმი მიძღვნილი ნაშრომები. კონფერენციის თემატიკა ინტერდისციპლინურია და ღონისძიების სამეცნიერო კომიტეტი განიხილავს საკონფერენციო ნაშრომებს, რომლებიც მეთოდოლოგიურად წარმოადგენენ შემთხვევის შესწავლას (Case Study) ან / და შედარებით კვლევას (Comparative Research).

ევროპის უნივერსიტეტისა და ქუთაისისის უნივერსიტეტის ორგანიზებით, 2021 წლის 15 დეკემბერს გაიმართება პირველი საერთაშორისო კონფერენცია I საერთაშორისო კონფერენცია „განათლება, ტექნოლოგია და ინოვაცია“ (ICETI2021). ონლაინ კონფერენციის მიზანია განათლების მკვლევარების, ექსპერტებისა და პროფესიონალებისთვის აკადემიური პლატფორმის შეთვაზება, სადაც ისინი განიხილავენ განათლების სფეროში არსებულ გამოწვევებს და ერთმანეთს გაუზიარებენ ცოდნასა და გამოცდილებას.

10-11 დეკემბერს, აზერბაიჯანის მინგაჩევირის სახელმწიფო უნივერსიტეტში ჩატარდება საერთაშორისო სამეცნიერო კონფერენცია „მდგრადი განვითარების სტრატეგია: გლობალური ტენდენციები, ეროვნული გამოცდილება და ახალი მიზნები”. კონფერენციის მასალების მიღების ბოლო ვადაა 21 ნოემბერი. დაწვრილებითი ინფორმაციისათვის გაეცანით თანდართულ ფაილს.

108-ე კონვენციის კომიტეტი აცხადებს მიღებას 2022 წლის სტეფანო როდოტას ჯილდოსთვის (შეჯიბრის მეოთხე გამოშვება). ახალგაზრდა მკვლევრებისა და სტუდენტების ინოვაციური და ორიგინალური აკადემიური კვლევითი პროექტი უნიკალურ შანსს აძლევს მონაწილეებს, წარუდგინონ თავიანთი ნამუშევარი 55-ზე მეტი ქვეყნიდან წარმოდგენილ, აღიარებულ პერსონალურ მონაცემთა დაცვის ექსპერტთა და პოლიტიკის შემქმნელთა გლობალურ ფორუმს.