ტარას შევჩენკოს კიევის ეროვნული უნივერსიტეტის ეკონომიკის ფაკულტეტი მიმდინარე წლის 21-24 მაისს გიწვევთ საერთაშორისო ფორუმზე - „Global Economic Challenges and Opportunities of the Digital Age”

აბსტრაქტის წარდგენის ბოლო ვადა - 15 თებერვალი, 2019.

სკოვოროდის სახელობის ხარკოვის ნაციონალური პედაგოგიური უნივერსიტეტი მიმდინარე წლის 25 დეკემბერს, გიწვევთ საერთაშორისო სამეცნიერო ინტერნეტ კონფერენციაზე მონაწილეობის მისაღებად „მეცნიერებისა და განათლების განვითარების ტენდენციები და პერსპექტივები გლობალიზაციის პირობებში“. ინტერნეტ-კონფერენციაზე მონაწილეობის მიღება შეუძლიათ სამეცნიერო აკადემიურ პერსონალსა და სტუდენტებს.

კორნელი კეკელიძის სახელობის საქართველოს ხელნაწერთა ეროვნული ცენტრი და ლუვენის უნივერსიტეტი (ბელგია) შოთა რუსთაველის ეროვნული სამეცნიერო ფონდის ფინანსური მხარდაჭერით, აცხადებს კონკურსს ქართველოლოგიის საერთაშორისო საზაფხულო სკოლისა და კონფერენციის „ქართული ხელნაწერი“ მონაწილეთა შესარჩევად. საზაფხულო სკოლაში მონაწილეობის მიღება შეუძლიათ ქართველ და უცხოელ სტუდენტებსა და ახალგაზრდა მკვლევარებს (მაგისტრანტებს, მაგისტრებს, დოქტორანტებს და დოქტორებს), რომელთა სამეცნიერო ინტერესები შეესაბამება ხელნაწერთა ეროვნული ცენტრის ძირითად სამეცნიერო-კვლევით მიმართულებებს (კლასიკური ან ძველი ქართული ფილოლოგია, წყაროთმცოდნეობა, არქივთმცოდნეობა, ხელნაწერი წიგნის კულტურა, რესტავრაცია, დიგიტალიზაცია, და სხვ.).

2019 წლის 9-10 მაისს, ლატვიის ქალაქ იელგავაში, ლატვიის სიცოცხლის შემსწავლელ მეცნიერებათა და ტექნოლოგიების უნივერსიტეტი, ეკონომიკისა და სოციალური განვითარების ფაკულტეტი მასპინძლობს XX საერთაშორის სამეცნიერო კონფერენციას - Economic Science for Rural Development 2019. კონფერენციის სამუშაო ენებია: ინგლისური, ლატვიური და რუსული. დამატებითი ინფორმაციისთვის იხილეთ დანართი.

ბირთვული ცდების ყოვლისმომცველი აკრძალვის ორგანიზაცია (CTBTO), 2019 წლის 24-28 ივნისს მასპინძლობს კონფერენციას მეცნიერებისა და ტექნოლოგიების შესახებ. ღონისძიებაზე რეგისტრაციის ვადა სრულდება 2019 წლის 31 იანვარს. დამატებითი ინფორმაციისათვის გაეცანით მიმაგრებულ დოკუმენტს და ეწვიეთ ბმულს.