უკრაინაში, მიმდინარე საომარი მოქმედებების მიუხედავად, იმართება საერთაშორისო სამეცნიერო და პრაქტიკული კონფერენცია თემაზე: „თანამედროვე მეცნიერებების აქტუალური საკითხები - 2022“. თემატური მიმართულებებია: მედიცინისა და ფარმაცევტულ მეცნიერებათა აქტუალური პრობლემები; სოციალურ და ჰუმანიტარულ მეცნიერებათა თანამედროვე საკითხები; ზუსტი და ტექნიკური მეცნიერებების აქტუალური პრობლემები; საბუნებისმეტყველო მეცნიერებების აქტუალური პრობლემები; ინტერდისციპლინარული კვლევის თანამედროვე საკითხები.

ბათუმის შოთა რუსთაველის სახელმწიფო უნივერსიტეტის სამეცნიერო კვლევების სამსახურის უფროსმა თამარ მაჭუტაძემ უნივერსიტეტისა და დამოუკიდებელი კვლევითი ერთეულების ახალგაზრდა მკვლევარებისათვის გამართა პოსტ სადოქტორო საგრანტო პროექტის პრეზენტაცია. პროგრამის ფარგლებში, ყოველწლიურად, ორ ქართველ მკვლევარს საშუალება აქვს მოიპოვოს დაფინანსება საფრანგეთში ერთთვიანი სამეცნიერო სტაჟირების განსახორციელებლად.

2 აპრილს საქართველოს პოლიტიკის ინსტიტუტი (GIP) ნორვეგიის საერთაშორისო ურთიერთობების ინსტიტუტთან (NUPI) ერთად მასტერკლასს ჩაატარებს დოქტორანტებისა და ახალგაზრდა მკვლევრებისთვის. ღონისძიების მონაწილეები გაეცნობიან ინფორმაციას აკადემიური ნაშრომის გამოქვეყნების ეტაპების შესახებ. ტრენინგში მონაწილეობის მსურველებმა 2022 წლის 21 მარტამდე საქართველოს პოლიტიკის ინსტიტუტის ელფოსტაზე: info@gip.ge გაგზავნეთ CV (მაქსიმუმ 2 გვერდი) და აბსტრაქტი იმ ნაშრომისთვის, რომელზეც მუშაობთ ან გსურთ მუშაობა (250 სიტყვა).

გამოცხადდა ლიეტუვის უმაღლესი საგანმანათლებლო დაწესებულებების 2022 წლის სასტიპენდიო პროგრამების მონაწილეთა შესარჩევი კონკურსი. პროექტი ითვალისწინებს სამაგისტრო პროგრამებისა და ინტეგრირებული კვლევების განხორციელებას. კონკურსში მონაწილეობა შეუძლიათ სხვადასხვა საგანმანათლებლო პროგრამის სტუდენტებს. დეტალური ინფორმაციის განთავსებულია შემდეგ ბმულზე: http://studyin.lt/scholarships/full-time-masterdegree-studies/

2022 წლის 6-8 მარტს, სტოკჰოლმში იმართება VI სამეცნიერო-პრაქტიკული კონფერენცია თემაზე: „თანამედროვე მეცნიერება: ინოვაციები და პერსპექტივები“. კონფერენციის მონაწილეთა ნაშრომები გამოქვეყნდება კონფერენციის მასალების კრებულში და მინიჭებული ექნება ISBN 978-91-87224-02-7. მონაწილეობის მიღება შეუძლიათ დოქტორებსა და მეცნიერების კანდიდატებს, მეცნიერ-თანამშრომლებს, სხვადასხვა პროფილისა და მიმართულების სპეციალისტებს, სამეცნიერო ხარისხის მაძიებლებს, მასწავლებლებს, მაგისტრებსა და სტუდენტებს. შესაბამისი დოკუმენტაცია უნდა გადაგზავნოთ 2022 წლის 5 მარტამდე მისამართზე: sweden@sci-conf.com.ua