პროექტ „Eurostudent”-ის ფარგლებში ხორციელდება ევროპის უმაღლესი განათლების სოციალური ასპექტების მონაცემთა შეგროვება და ანალიზი. გაშუქებულია სტუდენტების სოციალურ და ეკონომიკურ პირობებთან დაკავშირებული თემების ფართო სპექტრი. მათი შედეგების ძირითადი მომხმარებლები არიან უმაღლესი განათლების პოლიტიკის შემქმნელები ეროვნულ და ევროპულ დონეზე, ამ სფეროს მკვლევრები, უმაღლესი საგანმანათლებლო დაწესებულებების მეცნიერები და, რა თქმა უნდა, სტუდენტები მთელ ევროპაში. „Eurostudent“-ი ყველა შეგროვებულ მონაცემს ხელმისაწვდომს ხდის მონაცემთა ბაზაში. დეტალურ ინფორმაციას შეგიძლიათ გაეცნოთ ვებმისამართზე: https://www.eurostudent.eu/

FaRiG-ი (საქართველოში სამეცნიერო კვლევის მეგობრები) არის ბრიტანული საქველმოქმედო საზოგადოება. FaRiG ყოველ წელს აცხადებს საგრანტო კონკურსს ქართველ მეცნიერების კვლევებისათვის ჰუმანიტარულ დარგში. ბრიტანული საქველმოქმედო საზოგადოება FaRiG-ი ყოველწლიურად გასცემს კვლევით გრანტს და პრიზს ესესათვის.

ეროვნული სამეცნიერო ბიბლიოთეკა პროფესორ-მასწავლებლებისა და პედაგოგებისათვის ატარებს ტრენინგს თემაზე: „ღია განათლება და ღია საგანმანათლებლო რესურსები“. ტრენინგი წარიმართება შემდეგ თემატიკაზე: განათლების თანამედროვე გამოწვევები - პანდემია კოვიდ -19; დისტანციურ სწავლა/სწავლებასთან დაკავშირებული პრობლემების იდენტიფიკაცია საქართველოში (გამოკითხვა რეაგირების სისტემის MENTIMETER-ის საშუალებით); საერთაშორისო ორგანიზაციების გამოხმაურება (UNESCO) და დასავლეთ ევროპის ზოგიერთი ქვეყნის გამოცდილების გაზიარება; ღია განათლება როგორც თანამედროვეობის მიღწევა; ღია საგანმანათლებლო რესურსები, ტიპები, გამოყენების სარგებელი და შედეგები და ღია ლიცენზია - CREATIVE COMMONS.

კვლევის განვითარების, სწავლებისა და კონსულტაციის ინსტიტუტი - IRDTA, ბრიუსელი/ლონდონი აცხადებს მიღებას შემდეგ საერთაშორისო სკოლებში მონაწილეობას: მე-5 საერთაშორისო სკოლა დიდ ბრიტანეთში 2022 17-21 იანვარი; მე-6 საერთაშორისო სკოლა, პორტუგალია, 2022 წლის 18-22 აპრილი, მე-7 საერთაშორისო სკოლა, ესპანეთი, 2022 წლის 25-29 ივლისი. საზაფხულო სკოლაში მონაწილეობა შეუძლიათ პროფესორ-მასწავლებლებსა და სტუდენტებს. დამატებითი ინფორმაცია იხილეთ შემდეგ მისამართზე.

კრაკოვის იოანე პავლე II- ის უნივერსიტეტი იწვევს დოქტორანტებს და მკვლევარებს III საერთაშორისო სამეცნიერო კონფერენციაზე „ტრადიციები და ჩვეულებები კულტებსა და რელიგიებში“ მონაწილეობის მისაღებად. კონფერენცია გაიმართება პოლონეთში, ქალაქ კრაკოვში, 2021 წლის 18-19 ოქტომბერს. დამატებითი ინფორმაციისათვის ეწვიეთ ბმულს: https://forms.gle/6hKzkMerqUMzd6cq7