გამოცხადდა ლიეტუვის უმაღლესი საგანმანათლებლო დაწესებულებების 2022 წლის სასტიპენდიო პროგრამების მონაწილეთა შესარჩევი კონკურსი. პროექტი ითვალისწინებს სამაგისტრო პროგრამებისა და ინტეგრირებული კვლევების განხორციელებას. კონკურსში მონაწილეობა შეუძლიათ სხვადასხვა საგანმანათლებლო პროგრამის სტუდენტებს. დეტალური ინფორმაციის განთავსებულია შემდეგ ბმულზე: http://studyin.lt/scholarships/full-time-masterdegree-studies/

2022 წლის 6-8 მარტს, სტოკჰოლმში იმართება VI სამეცნიერო-პრაქტიკული კონფერენცია თემაზე: „თანამედროვე მეცნიერება: ინოვაციები და პერსპექტივები“. კონფერენციის მონაწილეთა ნაშრომები გამოქვეყნდება კონფერენციის მასალების კრებულში და მინიჭებული ექნება ISBN 978-91-87224-02-7. მონაწილეობის მიღება შეუძლიათ დოქტორებსა და მეცნიერების კანდიდატებს, მეცნიერ-თანამშრომლებს, სხვადასხვა პროფილისა და მიმართულების სპეციალისტებს, სამეცნიერო ხარისხის მაძიებლებს, მასწავლებლებს, მაგისტრებსა და სტუდენტებს. შესაბამისი დოკუმენტაცია უნდა გადაგზავნოთ 2022 წლის 5 მარტამდე მისამართზე: sweden@sci-conf.com.ua

2022 წლის 2-4 მარტს, საერთაშორისო ორგანიზაციის „InterConf“, ორგანიზებით ჩატარდება საერთაშორისო სამეცნიერო და პრაქტიკული ონლაინ კონფერენცია თემაზე „მსოფლიო მეცნიერების ინოვაციები და პერსპექტივები“. მონაწილეობის მიღება შეუძლიათ დოქტორებს, მეცნიერ-თანამშრომლებს, სხვადასხვა პროფილისა და მიმართულების სპეციალისტებს, სამეცნიერო ხარისხის მაძიებლებს, მასწავლებლებს, მაგისტრებსა და სტუდენტებს. ნაშრომებს მინიჭებული ექნება სტანდარტული ნომერი ISBN 978-1-4879-3794-2. ნაშრომები 1 მარტამდე შემდეგ მისამართზე უნდა გადაგზავნოთ: vancouver@sci-conf.com.ua

გამოცხადდა კონკურსი „EUGEN IONESCU“-ის სტიპენდიის მოსაპოვებლად. კონკურსში მონაწილეობა შეუძლიათ დოქტორანტებსა და პოსტ დოქტორანტებს და მოიცავს ყველა მიმართულებას. განკუთვნილია ფრანგულენოვანი პირებისათვის, პროგრამაში მონაწილეობის მიღების ერთ-ერთი მთავარი პირობაა რუმინეთის რომელიმე უნივერსიტეტიდან თანხმობის წერილის მიღება და ფრანგული ენის ცოდნა. მობილობა განხორციელდება რუმინეთში. განაცხადის წარდგენის ბოლო ვადაა 2022 წლის 11 მარტი.

2022 წლის 30 იანვარს გერმანული არასამთავრობო ორგანიზაცია „ევროპის მეცნიერებათა და კვლევების აკადემია“ ატარებს საერთაშორისო სამეცნიერო კონფერენციას. ორგანიზაცია პასუხისმგებელია სამეცნიერო რეფორმების უზრუნველყოფაზე, სამეცნიერო კვლევების ორგანიზებაზე მეცნიერების სხვადასხვა დარგში (ბიზნესი, ეკონომიკა და მენეჯმენტი; ქიმიის მეცნიერებები; ინჟინერია და კომპიუტერული მეცნიერებები; ჯანდაცვისა და მედიცინის მეცნიერებები; ჰუმანიტარული მეცნიერებები; სოციალური მეცნიერებები).