ახალი ამბები

პირველად საქართველოს ისტორიაში, 4 დაცული ტერიტორია UNESCO-ს ბუნებრივი მემკვიდრეობის ნუსხაში შევიდა. გადაწყვეტილება ჩინეთის ქალაქ ფუჟოუში გამართულ UNESCO-ს მსოფლიო მემკვიდრეობის კომიტეტის 44-ე სესიაზე მიიღეს. ეს ნომინაცია მოიცავს ქობულეთის დაცული ტერიტორიებისა და კოლხეთის ეროვნული პარკის ტორფნარებს, კინტრიშის დაცული ტერიტორიებისა და მტირალას ეროვნული პარკის ტყეებს, რომლებიც „კოლხური ტყეებისა და ჭარბტენიანი ტერიტორიების“ სახელით, დაემატა მსოფლიოს 213 ბუნებრივი მემკვიდრეობის ნუსხას და ღირსეული ადგილი მოიპოვა ამაზონის ტყის, გრანდ კანიონის ეროვნული პარკის, იელოუსტოუნის ეროვნული პარკის, მთა ეტნას, შვეიცარიის ალპების გვერდით.

26-29 ივლისს, ბათუმის შოთა რუსთაველის სახელმწიფო უნივერსიტეტმა „Erasmus+“-ის საგრანტო პროექტის „ტექნოლოგიებით გაძლიერებული სწავლება და სწავლის განვითარება და დანერგვა საქართველოს უსდ-ებში“ („Developing and Implementing Technology-Enhanced Teaching and Learning at Georgian HEIs”/DITECH), პროექტის ნომერი: 618766-EPP-1-2020-1-EE-EPPKA2-CBHE-JP) მეორე ეროვნულ შეხვედრას უმასპინძლა. შეხვედრაში მონაწილეობდნენ კონსორციუმის წევრი საქართველოს უნივერსიტეტები: ივანე ჯავახიშვილის სახელობის თბილისის სახელმწიფო უნივერსიტეტი - კოორდინატორი საქართველოში, ილიას სახელმწიფო უნი­ვე­რსიტეტი, სამცხე-ჯავახეთის სახელმწიფო უნივერსიტეტი, იაკობ გოგებაშვილის სახელობის თელავის სახელმწიფო უნივერსიტეტი, სოხუმის სახელმწიფო უნვერსიტეტი, ბათუმის შოთა რუსთაველის სახელობის სახელმწიფო უნივერსიტეტი, აკაკი წერეთლის სახელობის სახელმწიფო უნივერსიტეტი, მასწავლებელთა პროფესიული განვითარების ეროვნული ცენტრი.

ბათუმის შოთა რუსთაველის სახელმწიფო უნივერსიტეტის დიპლომირებული მედიკოსის ინგლისურენოვანი პროგრამის პირველი ნაკადის კურსდამთავრებულმა სტუდენტებმა წარმატებით ჩააბარეს ინდოეთში უცხოურ სამედიცინო კურსდამთავრებულთა გამოცდა (FMGE), რომელიც ინდოეთში ყოველ 6 თვეში ერთხელ ტარდება. გამოცდაზე სტუდენტები 19 განსხვავებულ საგანს აბარებენ. მიმდინარე წელს გამოცდაზე 18 000 სტუდენტი დარეგისტრირდა, რომელთაგან დაახლოებით 4 000–მა გადალახა საგამოცდო ბარიერი. მათ შორის არიან ბსუ-ს დიმპლომირებული მედიკოსის ინგლისურენოვანი პროგრამის კურსდამთავრებულები: აშიშ კუმარი- 178; ვაიბჰავ ბაბელი - 176; რავი კუმარი -175;ჰუკამ ჩანდ საინი - 171; რაჰულ სეერვი - 158ლ; დევენდრა შარმა - 153 და შუბჰამ რანეჯა - 150 ქულით.

ბათუმის შოთა რუსთაველის სახელმწიფო უნივერსიტეტის რექტორმა მერაბ ხალვაშმა და შპს „ბათუმის წყალის“ გენერალურმა დირექტორმა, ლევან დავითაძემ თანამშრომლობის მემორანდუმს მოაწერეს ხელი. მხარეებს შორის შეთანხმებული კონტინგენტის ფარგლებში, პრაქტიკული და ანალიტიკური უნარ-ჩვევების ჩამოყალიბებისა და პრაქტიკული საქმიანობის განმტკიცების მიზნით, შპს „ბათუმის წყალი“ უზრუნველყოფს სტუდენტთა ქიმიის საბაკალავრო, სამაგისტრო და სადოქტორო საგანმანათლებლო პროგრამების სასწავლო და პროფესიული პრაქტიკის გავლას. თანამშრომლობის ფარგლებში ასევე, განხორციელდება კვლევითი ექსპერიმენტები.

ბათუმის შოთა რუსთაველის სახელმწიფო უნივერსიტეტმა „ადამიანური რესურსების მართვის პროფესიონალთა ასოციაციასთან“ (HRPA Georgia) პარტნიორობით, პროექტის „პროფესიული საგანმანათლებლო დაწესებულებების ინსტიტუციური განვითარების მხარდაჭერა ორგანიზაციული და HR სისტემების ხარისხის ამაღლებით“ განხორციელება დაიწყო. პროექტს ბსუ-ში პროფესიული პროგრამების მართვისა და უწყვეტი განათლების ცენტრი განახორციელებს.