ახალი ამბები

ERASMUS+“-ის პროექტის RURD-ის ფარგლებში, სამცხე-ჯავახეთის სახელმწიფო უნივერსიტეტში გამართულ სამუშაო შეხვედრაში მონაწილება მიიღეს ბსუ-ს რექტორის მოადგილემ, პროფესორმა ნათია წიკლაშვილმა, ჰუმანიტარულ მეცნიერებათა ფაკულტეტის დეკანმა, პროეფსორმა მარინა გიორგაძემ და პროექტის კოორდინატორმა, ასოცირებულმა პროფესორმა ხათუნა ბერიძემ. ორდღიან შეხვედრაზე რეგიონული უნივერსიტეტის წარმომადგენლებმა რექტორების ჩართულობით განიხილეს რეგიონული უნივერსიტეტების რექტორთა კონფერენციის შექმნის დეტალები და სამომავლო თანამშრომლობის მიმართულებები.

ბათუმის შოთა რუსთაველის სახელმწიფო უნივერსიტეტს საქართველოში გაეროს ბავშვთა ფონდის წარმომადგენელი ღასან ხალილი და აჭარის ა.რ. განათლების, კულტურისა და სპორტის მინისტრი მაია ხაჯიშვილი ეწვივნენ. 2021 წლის ოქტომბერში, ბათუმის შოთა რუსთაველის სახელმწიფო უნივერსიტეტში საუნივერსიტეტო საგანმანათლებლო პროგრამებსა და კურიკულუმებში ბავშვთა უფლებების ჩართვისადმი მიძღვნილი საერთაშორისო კონფერენცია გაიმართება. ბსუ-ს რექტორთან მერაბ ხალვაშთან გამართულ შეხვედრაზე მხარეებმა საუნივერსიტეტო საგანმანათლებლო პროგრამებსა და კურიკულუმებში ბავშვთა უფლებების ჩართვისადმი მიძღვნილი საერთაშორისო კონფერენციის საორგანიზაციო საკითხებსა და სამეცნიერო საბჭოს შექმნის დეტალებზე იმსჯელეს.

საქართველოს სახელმწიფოებრივი დამოუკიდებლობის აღდგენის დღე ბათუმის შოთა რუსთაველის სახელმწიფო უნივერსიტეტში რამდენიმე ღონისძიებით აღინიშნა. აჭარის მუზეუმთან გაფორმდა თანამშრომლობის მემორანდუმი, ბსუ-ს I კორპუსის ფოიეში გაიხსნა აჭარის მუზეუმის ფონდებში დაცული მასალების გამოფენა. Zoom-ის ონლაინ პლატფორმის საშუალებით ბსუ-ს ჰუმანიტარულ მეცნიერებათა ფაკულტეტის ისტორიის, არქეოლოგიისა და ეთნოლოგიის დეპარტამენტისა და აჭარის მუზეუმის ორგანიზებით გაიმართა საქართველოს დამოუკიდებლობის აღდგენის 103 წლისადმი მიძღვნილი სამეცნიერო კონფერენცია.

წარმატებით გაიარა პროგრამული აკრედიტაცია ბათუმის შოთა რუსთაველის სახელმწიფო უნივერსიტეტის ზუსტ მეცნიერებათა და განათლების ფაკულტეტის „კომპიუტერული მეცნიერების“ საბაკალავრო და „კომპიუტერული მეცნიერების” სამაგისტრო საგანმანათლებლო პროგრამებმა. აკრედიტაციის სტანდარტები საგანმანათლებლო პროგრამებმა დააკმაყოფილა და უმაღლესი საგანმანათლებლო პროგრამების აკრედიტაციის საბჭოს გადაწყვეტილებით სრული, 7-წლიანი აკრედიტაცია მოიპოვა.

ბათუმის შოთა რუსთაველის სახელმწიფო უნივერსიტეტი, ჰუმანიტარულ მეცნიერებათა ფაკულტეტი და ისტორიის, არქეოლოგიისა და ეთნოლოგიის დეპარტამენტი ულოცავენ პროფესორ იური სიხარულიძეს იუბილეს და დაბადებიდან 95-ე წლის აღსანიშნავად, ხანგრძლივი ნაყოფიერი პედაგოგიური და სამეცნიერო მოღვაწეობისათვის, ახალგაზრდა თაობის აღზრდაში და სამეცნიერო კადრების მომზადებაში შეტანილი წვლილისათვის აჯილდოებენ მას უნივერსიტეტის მედლით.