USAID განათლება მომავლისთვის პროგრამის ფარგლებში გრძელვადიანი თანამშრომლობისთვის უნივერსიტეტების შერჩევის პროცესი დასრულდა და კომისიის გადაწყვეტილებით პროექტი ბათუმის შოთა რუსთაველის სახელმწიფო უნივერსიტეტის ჩართულობით განხორციელდება.
ბსუ-ში საახალწლო კონცერტი და წარმატებულ სტუდენტთა დაჯილდოება გაიმართა. ბათუმის შოთა რუსთაველის სახელმწიფო უნივერსიტეტის რექტორმა მერაბ ხალვაშმა 2023 წელი შეაჯამა, სტუდენტებსა და პროფესორ-მასწავლებლებს დამდეგი ახალი წელი მიულოცა, მადლობა გადაუხადა გაწეული მუშაობისათვის და წარმატებები უსურვა. ღონისძიებაზე ბსუ-ს რექტორმა მერაბ ხალვაშმა, ადმინისტრაციის ხელმძღვანელმა მერაბ დიასამიძემ და სტუდენტთა კარიერული განვითარების, კულტურისა და სპორტის დეპარტამენტის უფროსმა ლევან ტარიელაძემ საუნივერსიტეტო ცხოვრებაში შეტანილი განსაკუთრებული წვლილისთვის მადლობის სიგელები და სამახსოვრო საჩუქრები გადასცეს 2023 წლის სტუდენტური ღონისძიებების ფარგლებში გამარჯვებულ სტუდენტებს, სპორტულ გუნდებს, მუსიკალურ ჯგუფებსა და მათ ხელმძღვანელებს.
ბათუმის შოთა რუსთაველის სახელმწიფო უნივერსიტეტის ჰუმანიტარულ მეცნიერებათა ფაკულტეტის ჟურნალისტიკის საბაკალავრო საგანმანათლებლო პროგრამამ სრული აკრედიტაცია წარმატებით გაიარა. ვულოცავთ სტუდენტებსა და პროფესორ-მასწავლებლებს ამ მნიშვნელოვან გამარჯვებას და წარმატებებს ვუსურვებთ.
ბათუმის შოთა რუსთაველის სახელმწიფო უნივერსიტეტში სტუდენტური პროექტების კონკურსში გამარჯვებული პროექტის ფარგლებში, ღონისძიება „სტუდენტური ახალი წელი" გაიმართა. საახალწლო ღონისძიებაზე სხვადასხვა ნომინაციაში გამარჯვებული სტუდენტები დაჯილდოვნდნენ. საღამო მუსიკალურად გააფორმეს ბენდებმა: „Aura/აურა“, „Last Station/ბოლო გაჩერება“, Dj Cheeky, სტუდენტებმა დათუნა მჟავანაძემ და მარიამ მოსეშვილმა. პროექტის „სტუდენტური ახალი წელი (საახალწლო ღონისძიებები)” ავტორია ეკონომიკისა და ბიზნესის ფაკულტეტის ბიზნესის ადმინისტრირების საბაკალავრო საგანმანათლებლო პროგრამის სტუდენტი ანუკი ახვლედიანი და ხორციელდება სტუდენტურ კლუბ „რუსთაველის“ ორგანიზებით.
საქართველოს განათლებისა და მეცნიერების მინისტრის გიორგი ამილახვარის ხელმძღვანელობით, საქართველოს ტექნიკურ უნივერსიტეტში, რექტორთა კონფერენცია გაიმართა. კონფერენციაში მონაწილეობა მიიღო ბათუმის შოთა რუსთაველის სახელმწიფო უნივერსიტეტის რექტორმა მერაბ ხალვაშმა. მინისტრმა გიორგი ამილახვარმა შეხვედრისას უმაღლესი განათლების მიმართულებით არსებული გამოწვევები და სხვადასხვა აქტუალური საკითხი განიხილა. მათ შორის, საუბარი შეეხო ისეთ მნიშვნელოვან თემებს, როგორებიცაა: უმაღლესი განათლების მიმართულებით საკანონმდებლო ცვლილების პაკეტი, საქართველოში უცხოელი სტუდენტების მოზიდვა, სამწლიანი საბაკალავრო პროგრამების შემუშავება, სადოქტორო საგანმანათლებლო პროგრამებისა და სამეცნიერო-კვლევითი საქმიანობის ხარისხის უზრუნველყოფის მექანიზმები, უმაღლესი საგანმანათლებლო დაწესებულებების პრიორიტეტული მიმართულებების განსაზღვრა/დაგეგმვა და სხვა.
