ახალი ამბები

სტუდენტთა დასაქმების პროგრამა წელს გაცილებით ადრე 25 აპრილიდან დაიწყება და ერთი თვის განმავლობაში იმუშავებს. მასში მონაწილეობას მიიღებენ ბათუმის სახელმწიფო უნივერსიტეტის, საზღვაო აკადემიისა და დამოუკიდებელი უნივერსიტეტის 400 სტუდენტი. აქცენტი ძირითადად სოციალურად დაუცველი ოჯახების წევრებზე გაკეთდება. სამუშაოების დასრულების შემდეგ სტუდენტები ანაზღაურებას 200 ლარს მიიღებენ. მსურველთა რეგისტაცია 7-დან 20 აპრილამდე №231 კაბინეტში (სტუდენტთა მომსახურებისა და მხარდაჭერის სამსახური) იწარმოებს.

USAID-ის ენერგეტიკის შესაძლებლობების გაუმჯობესების პროექტი საქართველოში (ECI) აცხადებს საგრანტო კონკურსს საქართველოს უმაღლესი საგანმანათლებლო დაწესებულებებისათვის სამაგისტრო პროგრამების შექმნისათვის ენერგეტიკის სფეროში.

სამუშაო ვიზიტით ბათუმის სახელმწიფო უნივერსიტეტს ლიტვის საგანგებო და სრულუფლებიანი ელჩი საქართველოში – მეჩის ლაურინკუსი სტუმრობდა. შეხვედრა გაცნობითი ხასიათის იყო და სამომავლო თანამშრომლობის ვექტორთა განსაზღვრას ისახავდა მიზნად.

1 აპრილს დაიწყო და სამი დღე გაგრძელდა შვეიცარიის ტექნიკური ფედერალური ინსტიტუტის, თბილისის სახელმწიფო უნივერსიტეტისა და ეკონომიკური განათლებისა და განვითარების ცენტრის ერთობლივი საერთაშორისო სემინარი თემაზე ,,სამეცნიერო კვლევის მეთოდოლოგია“. სემინარის ფარგლებში ეკონომიკური მიმართულების პროფესორ-მასწავლებლებსა და დოქტორანეტებს სამეცნიერო კვლევის თანამედროვე მეთოდებისა და უცხოელი კოლეგების გამოცდილების გაზიარების საშუალება მიეცათ.

სსიპ დურმიშიძის სახელობის ბიოქიმიისა და ბიოტექნოლოგიის ინსტიტუტის დირექტორმა, აკადემიკოსმა ოთარ კვესიტაძემ რსუ საბუნებისმეტყველო მეცნიერებათა და სასოფლო-სამეურნეო ფაკულტეტის სტუდენტებისა და პროფესორ მასწავლებლებისათვის წაიკითხა საჯარო ლექცია თემაზე: ”ეკოლოგიური ბიოტექნოლოგიები და სურსათი”